ട്വന്റി 20 ലോകകപ്പില്‍ പാക്കിസ്ഥാനു വിജയത്തുടക്കം. ബംഗ്ലാദേശിനെ 55 റണ്‍സിനു പരാജയപ്പെടുത്തിയാണ് പാക്കിസ്ഥാന്‍ ആദ്യജയം സ്വന്തമാക്കിയത്. ടോസ് നേടി ബാറ്റിംഗ് തെരഞ്ഞെടുത്ത പാക്കിസ്ഥാന്‍ 20 ഓവറില്‍ അഞ്ചു വിക്കറ്റ് നഷ്ടത്തില്‍ 201റണ്‍സെടുത്തപ്പോള്‍ ബംഗ്ലാദേശിന്റെ മറുപടി 20 ഓവറില്‍ ആറു വിക്കറ്റ് നഷ്ടത്തില്‍ 146 റണ്‍സിലൊതുങ്ങി. 19 പന്തില്‍ 49 റണ്‍സ് നേടുകയും രണ്്ടു വിക്കറ്റ് വീഴ്ത്തുകയും ചെയ്ത പാക് നായകന്‍ ഷാഹിദ് അഫ്രീദിയാണ് കളിയിലെ താരം.നേരത്തെ, ടോസ് നേടിയ പാക്കിസ്ഥാന്‍ ബാറ്റിംഗ് തെരഞ്ഞെടുക്കുകയായിരുന്നു. അര്‍ധസെഞ്ചുറി നേടിയ ഓപ്പണര്‍ അഹമ്മദ് ഷെഹ്‌സാദ് (39 പന്തില്‍ 52),മുഹമ്മദ് ഹഫീസ് (42 പന്തില്‍ 64) എന്നിവരും 19 പന്തില്‍ 49 റണ്‍സെടുത്ത ക്യാപ്റ്റന്‍ ഷാഹിദ് അഫ്രീദിയുമാണ് പാക്കിസ്ഥാന് കൂറ്റന്‍ സ്‌കോര്‍ സമ്മാനിച്ചത്. രണ്്ടാം വിക്കറ്റില്‍ മുഹമ്മദ് ഹഫീസും അഹമ്മദ് ഷെഹ്‌സാദും ചേര്‍ന്ന് കൂട്ടിച്ചേര്‍ത്ത 95റണ്‍സാണ് പാക്ക് ഇന്നിംഗ്‌സിന്റെ നട്ടെല്ല്. ബംഗ്ലാദേശിനായി അറാഫാത്ത് സണ്ണി രണ്്ടണ്ടു വിക്കറ്റ് വീഴ്ത്തി. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha