ഇന്ത്യന്‍ ക്യാപ്റ്റന്‍ എം.എസ് ധോണിയുടെ വിരമിക്കലിനെക്കുറിച്ച് ചോദിച്ച് മാധ്യമപ്രവര്‍ത്തക് കിട്ടി ഒരു പണി. ഇന്നലെ വെസ്റ്റ് ഇന്‍ഡീസിനെതിരെയുള്ള തോല്‍വിക്ക് ശേഷം നടത്തിയ പതിവു വാര്‍ത്താ സമ്മേളനത്തില്‍ ഇക്കാര്യം ചോദിച്ച ആസ്‌ട്രേലിയന്‍ മാധ്യമപ്രവര്‍ത്തകന് ധോണി പണി കൊടുത്തത്. സെമി ഫൈനലിലെ തോല്‍വി മൂലം അന്താരാഷ്ട്ര ക്രിക്കറ്റില്‍ നിന്ന് വിരമിക്കുമോ എന്ന ചോദ്യമുന്നയിച്ച ക്രിക്കറ്റ് ആസ്‌ട്രേലിയ റിപ്പോര്‍ട്ടര്‍ സാമുവല്‍ ഫെറിസിനെ ധോണി അരികിലേക്ക് വിളിപ്പിക്കുകയായിരുന്നു. സമീപത്തേ കസേരയിലിരുത്തി അദ്ദേഹത്തിന്റെ തോളില്‍ കയ്യിട്ട് തമാശ രൂപേണ ധോണി താന്‍ വിരമിക്കാന്‍ നിങ്ങള്‍ക്ക് ആഗ്രഹമുണ്ടോ എന്ന് ധോണി തിരിച്ച് ചോദിച്ചു. അദ്ദേഹം ഇല്ലെന്ന് തലയാട്ടി.

ഞാന്‍ കരുതിയത് ഈ ചോദ്യം ചോദിച്ചത് ഇന്ത്യന്‍ മാധ്യമപ്രവര്‍ത്തകനാണെന്നാണ്. താന്‍ ഫിറ്റല്ലെന്ന് നിങ്ങള്‍ കരുതുന്നുണ്ടോയെന്നും ധോണി സാമുവലിനോട് ചോദിച്ചു. തന്റെ ഓട്ടം നിങ്ങള്‍ കണ്ടിട്ടുണ്ടോ എന്ന് ധോണി ചോദിച്ചപ്പോള്‍ അതിവേഗത്തില്‍ ഓടുന്നതാണ് കണ്ടിട്ടുള്ളതെന്ന് റിപ്പോര്‍ട്ടര്‍ മറുപടി പറഞ്ഞു. അടുത്ത 2019 ലോകകപ്പ് വരെ താന്‍ തുടരുമെന്ന് നിങ്ങള്‍ കരുതുന്നുണ്ടോ എന്ന് ധോണി ചോദിച്ചു. ഉണ്ട് എന്നായിരുന്നു റിപ്പോര്‍ട്ടറുടെ മറുപടി. ഇതോടെ താങ്കളുടെ ചോദ്യത്തിനുള്ള മറുപടി വ്യക്തമായില്ലേ എന്ന് ധോണി ചോദിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha