വിടവാങ്ങല്‍ ടെസ്റ്റില്‍ സച്ചിന്‍ 74 റണ്‍സെടുത്ത്‌ പുറത്തായി. 118 പന്തില്‍ നിന്നാണ്‌ സച്ചിന്‍ 74 രണ്‍സ്‌ നേടിയത്‌. 12 ബൗണ്ടറികളുടെ അകമ്പടിയോടെയാണ്‌ സച്ചിന്‍ അര്‍ധസെഞ്ചുറി നേടിയത്‌. സമിക്ക്‌ ക്യാച്ച്‌ നല്‍കിയായിരുന്നു സച്ചിന്റെ മടക്കം.

സച്ചിനും-പൂജാരയും ചേര്‍ന്നുള്ള കൂട്ടുകെട്ട്‌ നൂറ്‌ റണ്‍സിന്റെ പാര്‍ട്‌നര്‍ഷിപ്പ്‌ പടുത്തുയര്‍ത്തിയിരുന്നു. കൂടാതെ ഇന്ത്യക്ക്‌ ലീഡ്‌ നേടികൊടുത്താണ്‌ സച്ചിന്‍ കളംവിട്ടത്‌.

ടോസ് നേടി ബൗളിങ് തിരഞ്ഞെടുത്ത ഇന്ത്യ വിന്റീസിനെ ആദ്യ ഇന്നിംഗ്‌സില്‍ 182 റണ്‍സിന് പുറത്താക്കിയിരുന്നു. മറുപടി ബാറ്റിങ്ങിനിറങ്ങിയ ഇന്ത്യക്കും തുടക്കത്തില്‍ രണ്ടും വിക്കറ്റുകള്‍ നഷ്ടമായെങ്കിലും സച്ചിന്‍ ടെന്‍ഡുല്‍ക്കറിന്റെയും ചേതേശ്വര്‍ പൂജാരയുടെയും കരുതലോടെയുള്ള ബാറ്റിങ് ഇന്ത്യയെ വലിയ തകര്‍ച്ചയില്‍ നിന്നും രക്ഷിച്ചു.