ഇന്ത്യ ന്യൂസിലാന്‍ഡ്‌ പരമ്പരയിലെ അവസാന മത്സരത്തിലും ഇന്ത്യക്ക്‌ തോല്‍വി. ആശ്വാസജയം ലക്ഷ്യമിട്ട്‌ കളിക്കാനിറങ്ങിയ ഇന്ത്യന്‍ ടീം ബാറ്റിംഗിലും ബൗളിംഗിലും പരാജയപ്പെടുന്ന കാഴ്‌ച്ചയായിരുന്നു കാണാന്‍ കഴിഞ്ഞത്‌. 87 റണ്‍സിനായിരുന്നു ന്യൂസിലാന്‍ഡിന്റെ ജയം.

ഇതോടെ അഞ്ചു മത്സരങ്ങളുള്ള പരമ്പരയില്‍ ഒരു മത്സരം പോലും തോല്‍ക്കാതെ ന്യൂസിലാന്‍ഡ്‌ 4-0 പരമ്പര നേടി. പരമ്പരയിലെ മൂന്നാം മത്സരം സമനിലയനല്‍ കലാശിച്ചിരുന്നു.
ആദ്യം ബാറ്റ്‌ ചെയ്‌ത ന്യൂസിലാന്‍ഡ്‌ നിശ്ചിത 50 ഓവറില്‍ 5 വിക്കറ്റ്‌ നഷ്ടത്തിലാണ്‌ 303 റണ്‍സ്‌ നേടിയത്‌. 106 പന്തുകളില്‍ നിന്നായി 10 ബൗണ്ടറികളും ഒരു സിക്‌സും അടിച്ചു കൂട്ടിയ റോസ്‌ ടെയ്‌ലറുടെ പിന്‍ബലത്തിലാണ്‌ ന്യൂസിലാന്‍ഡ്‌ 303 എന്ന മികച്ച സ്‌കോറിലേക്ക്‌ എത്തിയത്‌.
304 എന്ന വിജയലക്ഷ്യവുമായി ഇറങ്ങിയ ഇന്ത്യക്ക്‌ 49.4 ഓവര്‍ പിന്നിട്ടപ്പോള്‍ 216 റണ്‍സിന്‌ അടിപതറി. ഇന്ത്യന്‍ ബാറ്റിംഗ്‌ നിരയില്‍ നിന്ന്‌ ഭേദപ്പെട്ട പ്രകടനം കാഴ്‌ച്ചവെച്ചത്‌ വിരാട്‌ കോഹിലിയും ക്യാപ്‌റ്റന്‍ എംഎസ്‌ ധോണിയുമാണ്‌ മാത്രമാണ്‌. കോഹിലി 82 റണ്‍സും ധോണി 47 റണ്‍സും നേടി.
ന്യുസിലാന്‍ഡിനു വേണ്ടി കെഎസ്‌ വില്യംസംണ്‍ 88 റണ്‍സും, നീഷാം പുറത്താകാതെ 34 റണ്‍സും മക്കെല്ലം 23 റണ്‍സും റൈഡര്‍ 17 റണ്‍സും ഗുപ്‌റ്റില്‍ 16 റണ്‍സും നേടി.
ഇന്ത്യക്ക്‌ വേണ്ടി വരുണ്‍ ആരോണ്‍ രണ്ടു വിക്കറ്റും ഭുവനേശ്വര്‍ കുമാര്‍ വിരാട്‌ കോഹിലി മുഹമ്മദ്‌ ഷമി എന്നിവര്‍ ഒരോ വിക്കറ്റും വീതവും നേടി.