ഞായറാഴ്‌ച നടന്ന സെലിബ്രിറ്റി ക്രിക്കറ്റ്‌ ലീഗില്‍ 12 റണ്ണിന്‌ കേരളത്തിന്റെ സ്വന്തം താര ടീം വിജയതിലകമണിഞ്ഞു. അതില്‍ കൊച്ചി നഗരം ആഹ്‌ളാതിമിര്‍പ്പിലായി. ചെന്നൈ റൈനോസിനെതിരെ അമ്മ ടീമിന്റെ വിജയമായിരുന്നു ഇത്‌. അങ്ങനെ അമ്മ എന്ന താരസംഘടനയുടെ മക്കള്‍ സെമി ഉറപ്പിക്കുകയും ചെയ്‌തു. ആദ്യം ബാറ്റ്‌ ചെയ്‌ത മലയാളി സിനിമാതാരങ്ങള്‍ നിശ്ചിത 20 ഓവറില്‍ 150 / 5 എന്ന സ്‌കോറിലെത്തിയപ്പോള്‍ തമിഴകത്തിന്റെ താരസൂര്യന്മാര്‍ 138 / 6 എന്ന സ്‌കോറിലൊതുങ്ങി.
ചെന്നൈയ്‌ക്കുവേണ്ടി 50 പന്തില്‍ ആറ്‌ ഫോറും അഞ്ച്‌ സിക്‌സുമടക്കം ഓപ്പണ്‍ വിക്രാന്ത്‌ 77 റണ്ണടിച്ചു. ഒരു പ്രാവശ്യം 92/2 എന്ന നിലയിലായിരുന്ന തമിഴ്‌ താര ടീമിനെ അടുത്തടുത്ത ഓവറുകളില്‍ വിക്കറ്റുകള്‍ വീഴ്‌ത്തി അവരെ സമ്മര്‍ദ്ദത്തിലാക്കുകയും ചെയ്‌തു. തമിഴ്‌ നടന്മാരായ ഭരത്‌, വിക്രാന്ത്‌, വിശാല്‍, വിഷ്‌ണു ,രമണ, ശ്യം തുടങ്ങിയവരെ പ്രോത്സാഹിപ്പിക്കാനായി ഗ്യാലറിയില്‍ തെനന്നിന്ത്യന്‍ താരസുന്ദരികളായ സോണിയ അഗര്‍വാള്‍ ,തൃഷ എന്നിവരുണ്ടായിരുന്നു.
അമ്മ ടീമിന്‌ കരുത്തേകാന്‍ സുരാജ്‌ വെഞ്ഞാറമൂട്‌, ഭാവന. മൈഥിലി തുടങ്ങിയവരോടൊപ്പം ധാരാളം താരനിരകള്‍ എത്തിയിരുന്നു. കൂടാതെ അനേകം ആരാധകരുമെത്തിയിട്ടുണ്ടായിരുന്നു.