അണ്ടര്‍ 19 ലോകകപ്പ്‌ : ഇന്ത്യ തകരുന്നു ആദ്യ ബാറ്റില്‍ സഞ്‌ജു പുറത്ത്‌
അണ്ടര്‍ 19 ലോകകപ്പ്‌ മത്സരത്തില്‍ ഇന്ത്യയ്ക്ക് വന്‍ തകര്‍ച്ച . ഇംഗ്‌ളണ്ടിനെതിരെ കളിച്ച ഇന്ത്യയിലെ മലയാളി താരം സഞ്‌ജു സാംസണ്‍ പൂജ്യത്തിന്‌ പുറത്താക്കപ്പെട്ടു.
ടോസ്‌ നേടി ആദ്യ ബാറ്റിങ്‌ തുടങ്ങിയ ഇന്ത്യ ആദ്യത്തെ മൂന്ന്‌ ഓവറിനിടെ മൂന്ന്‌ വിക്കറ്റ് നഷ്‌ടത്തില്‍ എട്ടു റണ്‍സു മാത്രമേ നേടിയുള്ളൂ.
ഇംഗ്ലണ്ടിന്റെ ഓപ്പണിംഗ്‌ ബൗളര്‍മാരായ ജാക്ക്‌ വിന്‍സ്‌ലെയ്‌ഡ്‌ , മാത്യു ഫിഷര്‍ എന്നിവര്‍ക്കുമുമ്പില്‍ ഇന്ത്യന്‍ ബാറ്റ്‌സ്‌മാന്‍മാര്‍ പതറിപ്പോയി. അഖില്‍ ഹെര്‍വാദ്‌കര്‍ രണ്ടു റണ്ണും, അങ്കുശ്‌ ബെയ്‌ന്‍സ്‌ മൂന്നു റണ്ണുമെടുത്ത്‌ പുറത്തായി. സഞ്‌ജു ആദ്യത്തെ ഒരു ബോളില്‍ തന്നെ ഔട്ടായി.
ക്യാപ്‌റ്റന്‍ വിജയ്‌സോളും റിക്കി ഭുയിയും ചേര്‍ന്ന കൂട്ടുകെട്ട്‌ നഷ്‌ടപ്പെട്ട റണ്‍സുകളെ തിരിച്ചുപിടിക്കാനുള്ള ശ്രമത്തിലാണ്‌ . ഇപ്പോള്‍ 7 ഓവര്‍ കഴിഞ്ഞപ്പോള്‍ ഇന്ത്യ 3 വിക്കറ്റ് നഷ്‌ടത്തില്‍ 23 റണ്‍സാണ്‌ എടുത്തിട്ടുള്ളത്‌ .
https://www.facebook.com/Malayalivartha
