ഇംഗ്ലണ്ട് ക്രിക്കറ്റ് ടീമിന്റെ മുന്‍ക്യാപ്റ്റന്‍ ടോണി ഗ്രെയ്ഗ് (66) അന്തരിച്ചു. ശ്വാസകോശാര്‍ബുദം ബാധിച്ച് കുറച്ചുനാളായി ചികിത്സയിലായിരുന്നു. 58 ടെസ്റ്റുകളില്‍ നിന്ന് എട്ട് സെഞ്ച്വറികളോടെ 3599 റണ്‍സും 141 വിക്കറ്റുകളും നേടിയിട്ടുണ്ട്. 22 ഏകദിന മത്സരങ്ങളും കളിച്ചിട്ടുണ്ട്. കളിക്കളത്തില്‍ നിന്ന് വിരമിച്ച ശേഷം ടെലിവിഷന്‍ കമന്റേറ്റര്‍ എന്ന നിലയിലും ശ്രദ്ധേയനായിരുന്നു.