ഐ.പി.എല്‍ ക്രിക്കറ്റിലെ പത്താം മത്സരത്തില്‍ രാജസ്ഥാന്‍ റോയല്‍സിനെതിരെ ചെന്നൈ സൂപ്പര്‍ കിംഗ്‌സിന്‌ 7 റണ്‍സിന്റെ വിജയം. ചെന്നൈ ഉയര്‍ത്തിയ 141 റണ്‍സ്‌ എന്ന വിജയലക്ഷ്യം പിന്തുടര്‍ന്നെത്തിയ രാജസ്ഥാന്‍ 19.5 ഓവറില്‍ 133 റണ്‍സിന്‌ എല്ലാവരും പുറത്താവുകയായിരുന്നു.
നാലോവറില്‍ 33 റണ്‍സിന്‌ വഴങ്ങി നാലു വിക്കറ്റുകള്‍ വീഴ്‌ത്തിയ രവീന്ദ്ര ജഡേജയാണ്‌ ചെന്നൈയുടെ വിജയ ശില്‍പ്പി. ബാറ്റ്‌ കൊണ്ടും രവീന്ദ്ര ജഡേജ 36 മികച്ച പ്രകടനം കാഴ്‌ചവച്ചു. 28 പന്തുകളില്‍ 50 റണ്‍സ്‌ നേടിയ ഡൈ്വന്‍ സ്‌മിത്തിന്റെ പ്രകടനമാണ്‌ ചെന്നൈക്ക്‌ മാന്യമായ സ്‌കോര്‍ സമ്മാനിച്ചത്‌.