ഐ.സി.സി. ഏകദിന റാങ്കിങ്ങില്‍ ഇന്ത്യ ഒന്നാം സ്ഥാനം നിലനിര്‍ത്തി. 119 പോയന്റുമായി മുന്നിട്ടുനില്ക്കുന്ന ഇന്ത്യയോടൊപ്പം രണ്ടാം സ്ഥാനത്തുള്ള ഇംഗ്ലണ്ടിനും ഒരേ പോയന്റാണുള്ളത്. ഓസ്‌ട്രേലിയ(116), ദക്ഷിണാഫ്രിക്ക(112), ശ്രീലങ്ക(110) എന്നീ ടീമുകളാണ് ആദ്യ അഞ്ച് സ്ഥാനങ്ങളില്‍ .

ബാറ്റിങ്ങില്‍ ദക്ഷിണാഫ്രിക്കയുടെ ഹാഷിം അംല ഒന്നാം സ്ഥാനത്തും, എ.ബി. ഡിവില്ലിയേഴ്‌സ് രണ്ടാം സ്ഥാനത്തുമാണ്. ബാറ്റ്‌സ്മാന്മാരുടെ പട്ടികയില്‍ ഇന്ത്യന്‍ മധ്യനിരയുടെ കരുത്തായ വിരാട് കോലി മൂന്നാം സ്ഥാനത്തു തുടരുകയാണ്.
വെസ്റ്റിന്‍ഡീസിനെതിരായ മികച്ച പ്രകടനത്തെത്തുടര്‍ന്ന് ഓസീസ് താരം ഷെയ്ന്‍ വാട്‌സണ്‍ എട്ടാം സ്ഥാനത്തുനിന്ന് ആറിലെത്തി. ബൗളര്‍മാരുടെ പട്ടികയില്‍ പാകിസ്താന്‍ താരങ്ങളായ സയിദ് അജ്മലും മുഹമ്മദ് ഹഫീസും യഥാക്രമം ഒന്നും രണ്ടും സ്ഥാനങ്ങള്‍ നിലനിര്‍ത്തി.