ഐപിഎല്ലില്‍ ഇന്ത്യയില്‍ നടന്ന ആദ്യ മത്സരത്തില്‍ കൊല്‍ക്കത്ത നൈറ്റ് റൈഡേഴ്‌സിനെതിരെ ചെന്നൈ സൂപ്പര്‍കിംഗ്‌സിന് ജയം. റാഞ്ചിയില്‍ നടന്ന മത്സരത്തില്‍ 34 റണ്‍സിനാണ് ചെന്നൈയുടെ വിജയം. തുടക്കത്തില്‍ പെയ്ത മഴ കാരണം 17 ഓവറായി ചുരുക്കിയ മത്സരത്തില്‍ ചെന്നൈ മൂന്ന് വിക്കറ്റ് നഷ്ടത്തില്‍ 148 റണ്‍സെടുത്തു. മറുപടി ബാറ്റിംഗിനിറങ്ങിയ കൊല്‍ക്കത്തക്ക് 9 വിക്കറ്റ് നഷ്ടത്തില്‍ 114 റണ്‍സെടുക്കാനേ ആയുള്ളു. 17 റണ്‍സും നാല് വിക്കറ്റുമെടുത്ത രവീന്ദ്ര ജഡേജയാണ് മാന്‍ ഓഫ് ദി മാച്ച്.