ബാറ്റുകൊണ്ടും പിന്നെ ബോളുകൊണ്ടും വിസ്‌മയം കാട്ടിയ യുവരാജ്‌സിംഗിനെയും നിഷ്‌പ്രഭമാക്കി രാജസ്ഥാന്‍ റോയല്‍സ്‌ അഞ്ചു വിക്കറ്റിന്‌ ബാംഗ്ലൂര്‍ റോയല്‍ ചലഞ്ചേഴ്‌സിനെ തോല്‍പ്പിച്ചു. ഇന്നലെ ടോസ്‌ നേടി ബാറ്റ്‌ ചെയ്‌ത ബാംഗ്ലൂര്‍ യുവരാജ്‌സിംഗിന്റെയും (38 പന്തില്‍ 53) ഡിവില്ലേഴ്‌സിന്റെയും (32 പന്തില്‍ 59) 190/5 എന്ന സ്‌കോര്‍ ഉയര്‍ത്തി മറുപടിക്കിറങ്ങിയ രാജസ്ഥാന്‍ നിരയിലെ നാലു വിക്കറ്റുകള്‍ പിഴുതെടുത്ത്‌ പ്രതീക്ഷ നല്‍കിയിട്ടും ബാംഗ്ലൂര്‍ തോല്‍ക്കുകയായിരുന്നു. മറുനാടന്‍ മലയാളി ഓപ്പണ്‍ കരുണ്‍ നായര്‍ (54) വാട്ട്‌സണ്‍ (1) ബിസി (1), മലയാളി താരം സഞ്‌ജു സാംസണ്‍ (13) എന്നിവരെ പുറത്താക്കി 13.3 ഓവറില്‍ രാജസ്ഥാനെ 106/5 എന്ന നിലയിലെത്തിച്ചതാണ്‌. എന്നാല്‍ പിന്നീട്‌ ക്രീസില്‍ ഒത്തുചേര്‍ന്ന സ്റ്റീവന്‍സ്‌മിത്തും (21 പന്തില്‍ നിന്ന്‌ 48) ഫോക്‌സറും (17 പന്തില്‍ നിന്ന്‌ 41) രാജസ്ഥാനെ 18.5 ഓവറില്‍ വിജയത്തിലെത്തിച്ചു. ഫോക്‌സാണ്‌ മാന്‍ ഓഫ്‌ ദ മാച്ച്‌.