ഐപിഎല്ലില്‍ ഇന്നലെ നടന്ന രണ്ടാം മത്സരത്തില്‍ കൊല്‍ക്കത്ത മുംബൈ ഇന്ത്യന്‍സിനെ ആറ് വിക്കറ്റിന് പരാജയപ്പെടുത്തി. 142 റണ്‍സ് വിജയലക്ഷ്യമായി ഇറങ്ങിയ കൊല്‍ക്കത്ത റോബിന്‍ ഉത്തപ്പയുടെ വെടിക്കെട്ട് ബാറ്റിംഗിന്റെ മികവിലാണ് വിജയിച്ചത്. 52 പന്തുകളില്‍ നിന്ന് ഉത്തപ്പ 80 റണ്‍സ്എടുത്തു. നേരത്തെ 51 റണ്‍സ് എടുത്ത രോഹിത് ശര്‍മയും 33 റണ്‍സ് എടുത്ത അമ്പാട്ടി റായിഡുവുമാണ് മുംബൈക്ക് ഭേദപ്പെട്ട സ്‌കോര്‍ നല്‍കിയത്. ജയത്തോടെ കൊല്‍ക്കത്ത പോയിന്റ് പട്ടികയില്‍ നാലാം സ്ഥാനത്ത് എത്തി.