ഏറ്റവും വേഗതയേറിയ അരങ്ങേറ്റ സെഞ്ച്വറിയുമായ്‌ ശിഖര്‍ ധവാന്‍
16 MARCH 2013 07:03 AM IST
മലയാളി വാര്‍ത്ത.
അരങ്ങേറ്റ ടെസ്റ്റില് ഏറ്റവും വേഗതയേറിയ സെഞ്ച്വറി ഇനി ഇന്ത്യന്‍ താരം ശിഖര്‍ ധവാന്റെ പേരില്‍. 85 പന്തിലാണ്‌ ധവാന്‍ തന്റെ ആദ്യ ടെസ്റ്റ് സെഞ്ച്വറി കുറിച്ചത്‌. ഈ മികവില്‍ ഇന്ത്യ വിക്കറ്റൊന്നും നഷ്ടപെടാതെ 283 റണ്‍സെടുത്തു. 185 റണ്‍സുമായി ധവാനും 83 റണ്‍സുമായി മുരളി വിജയുമാണ്‌ ക്രീസില്‍. 21 ഫോറുകളുടെ അകമ്പടിയോടെയാണ്‌ ധവാന്‍ സെഞ്ച്വറി കരസ്ഥമാക്കിയത്‌. ഇംഗ്‌ളണ്ടിന്റെ മാറ്റ്‌ പ്രയറിന്റെ പേരിലുള്ള 105 ബോളില്‍ നിന്നുള്ള സെഞ്ച്വറിയാണ്‌ ധവാന്‍ തിരുത്തിക്കുറിച്ചത്‌. ലാലാ അമര്‍നാഥ്‌,ദീപക്‌ സോദന്‍,കൃപാല്‍ സിംഗ്,അബ്ബാസ്‌ അലി,ഹനുമന്ദ്‌ സിംഗ്,ഗുണ്ടപ്പ വിശ്വനാഥ്‌,സുരീന്ദര്‍ അമര്‍നാഥ്‌,മുഹമ്മദ് അസ്‌ഹറുദീന്‍,പ്രവീണ്‍ ആംറെ,സൗരവ്‌ ഗാംഗുലി,വിരേന്ദര്‍ സെവാഗ്‌,സുരേഷ്‌ റെയ്‌ന എന്നിവരാണ്‌ അരങ്ങേറ്റ ടെസ്റ്റില് സെഞ്ച്വറി നേടിയ ഇന്ത്യക്കാര്‍.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
