കാര്‍ഡിഫില്‍ നടന്ന രണ്ടാം ഏകദിനത്തില്‍ ഇന്ത്യ ഇംഗ്ലണ്ടിനെ 133 റണ്ണിന്‌ പരാജയപ്പെടുത്തി. ടോസ്‌ നഷ്‌ടപ്പെട്ട്‌ ബാറ്റിംഗിനിറങ്ങിയ ഇന്ത്യ നിശ്ചിത 50 ഓവറില്‍ ആറ്‌ വിക്കറ്റ്‌ നഷ്‌ടത്തില്‍ 304 റണ്‍സ്‌ നേടുകയായിരുന്നു.
രണ്ടാം ഇന്നിംഗ്‌സ്‌ മഴ മൂലം 47 ഓവറായി ചുരുക്കി ഡക്‌വര്‍ത്ത്‌ ലൂയിസ്‌ പ്രകാരം ഇംഗ്ലണ്ടിന്റെ വിജയലക്ഷ്യം 295 റണ്ണായി പുനര്‍നിശ്ചിയിച്ചു. എന്നാല്‍ ആതിഥേയര്‍ 38.1 ഓവറില്‍ 161 റണ്ണിന്‌ എല്ലാപേരും ഔട്ടായി.
7 ഓവറില്‍ 28 റണ്‍ വഴങ്ങി നാലു വിക്കറ്റ്‌ വീഴ്‌ത്തിയ രവീന്ദ്ര ജഡേജയാണ്‌ ഇംഗ്ലണ്ടിനെ വിഷമിപ്പിച്ചത്‌. മുഹമ്മദ്‌ ഷാമിയും അശ്വിനും രണ്ട്‌ വിക്കറ്റ്‌ വീതം വീഴ്‌ത്തി. ഭുവനേശ്വറിനും സുേഷ്‌റെയ്‌നയ്‌ക്കും ഓരോ വിക്കറ്റ്‌ ലഭിച്ചു. 63 പന്തില്‍ 40 റണ്ണെടുത്ത ആദം ഹേല്‍സാണ്‌ ഇംഗ്ലണ്ടിന്റെ ടോപ്‌ സ്‌കോര്‍.
സുരേഷ്‌ റെയ്‌നയുടെ മികവിലാണ്‌ ഇന്ത്യ മികച്ച സ്‌കോറിലെത്തിയത്‌. രോഹിത്‌ ശര്‍മ്മയും ധോണിയും 52 റണ്‍സ്‌ വീതം നേടി. റെയ്‌നയാണ്‌ മാന്‍ ഓഫ്‌ ദ മാച്ച്‌.