കോപ്പാ അമേരിക്ക കലാശക്കളിക്ക് തൊട്ടുമുമ്പായി നടന്ന തോറ്റവരുടെ ഫൈനലില്‍ പരാെേഗ്വയ പെറു 20 ന് വീഴ്ത്തി. മൂന്നാം സ്ഥാനക്കാര്‍ക്കായി നടന്ന മത്സരത്തില്‍ ക്യാറിലോയും ഗുറേറോയുമായിരുന്നു പെറുവിന്റെ സ്‌കോറര്‍മാര്‍. രണ്ടാം പകുതിയിലായിരുന്നു രണ്ടു ഗോളുകളും വന്നത്.

അര്‍ജന്റീനയോട് വന്‍ പരാജയം രുചിച്ച് ആത്മവിശ്വാസം നഷ്ടമായി കളിക്കിറങ്ങിയ പരാഗ്വേയ്ക്ക് മേല്‍ ചിലിയെ ഞെരിച്ചതിന്റെ ആത്മവിശ്വാസത്തില്‍ എത്തിയ പെറു വ്യക്തമായ മേല്‍ക്കോയ്മ നേടുകയായിരുന്നു. രണ്ടാം പകുതിയുടെ തുടക്കത്തില്‍ തന്നെ പെറു മുന്നിലെത്തി. പരാഗ്വേ പ്രതിരോധം കാര്യമായി ഇടപെടാതിരുന്ന ഒരു ക്രോസ് കോറിലോ ബോക്‌സില്‍ നിന്നും തൊടുത്ത് വലയിലാക്കുകയായിരുന്നു.

കളിയുടെ അവസാന മിനിറ്റിലായിരുന്നു പെറു രണ്ടാം ഗോള്‍ നേടിയത്. കോപ്പയില്‍ ടോപ് സ്‌കോററായി നില്‍ക്കുന്ന ഗുറേറോ ആയിരുന്നു ഗോളടിച്ചത്. വലതു ഭാഗത്ത് നിന്നും നീട്ടികിട്ടിയ പന്ത് പരാഗ്വേയന്‍ ഗോളിയെ മറികടന്ന് ഗുറേറോ വലയിലാക്കി. ഈ ഗോളോടെ ഗോള്‍നേട്ട കാര്യത്തില്‍ ചിലിയുടെ എഡുവാര്‍ഡോ വെര്‍ഗാസിനൊപ്പമായി ഗുറേറോയും. അതേസമയം ഫൈനലില്‍ ഗോള്‍ നേടാന്‍ വെര്‍ഗാസിന് അവസരമുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha