സ്പാനിഷ് ലീഗില്‍ ബാഴ്‌സയ്ക്ക് തകര്‍പ്പന്‍ ജയം
സ്പാനിഷ് ലീഗില്‍ ബാഴ്‌സലോണ എഫ്.സിക്ക് തകര്‍പ്പന്‍ ജയം. ഒന്നിനെതിരെ നാലു ഗോളുകള്‍ക്ക് ലവാന്റെയെയാണ് ബാഴ്‌സ തറപറ്റിച്ചത്. ജയത്തോടെ പോയിന്റ് പട്ടികയില്‍ ഒന്നാം സ്ഥാനത്തെത്തി. സൂപ്പര്‍ താരം ലയണല്‍ മെസിയുടെ ഇരട്ട ഗോളുകളാണ് ബാഴ്‌സയ്ക്ക് അനായാസ ജയം ഒരുക്കിയത്.
ഇനിയേസ്റ്റയെയും സുവാരസിനെയും പീക്വെയെയും സൈഡ് ബഞ്ചില്‍ ഇരുത്തിയായിരുന്നു ബാഴ്‌സ ടീം കളിക്കളത്തിലിറങ്ങിയത്. ഗോള്‍ രഹിതമായ ആദ്യ പകുതിയ്ക്ക് തൊട്ട് പിന്നാലെ മാര്‍ക് ബാര്‍ട്ട്രയാണ് ബാഴ്‌സയ്ക്കായി ആദ്യ ഗോള്‍ നേടിയത്. ആറ് മിനിറ്റിനകം നെയ്മറിലൂടെ ബാഴ്‌സ ലീഡ് ഉയര്‍ത്തി. തൊട്ട് പിന്നാലെ ലഭിച്ച പെനാല്‍റ്റി മെസി വലയ്ക്കുള്ളില്‍ എത്തിച്ചു.
ഇതിനിടെ ലവാന്റെ ഒരു ഗോള്‍ മടക്കി. 75ാം മിനിറ്റില്‍ ലഭിച്ച പെനാല്‍റ്റി മെസി പുറത്തേക്കടിച്ച് നഷ്ടപ്പെടുത്തി. എന്നാല്‍ അവസാന വിസില്‍ മുഴങ്ങാന്‍ മിനിറ്റുകള്‍ ശേഷിക്കെ ഒരു മനോഹര ഗോള്‍ നേടി പെനാല്‍റ്റി നഷ്ടപ്പെടുത്തിയ ക്ഷീണം മെസി തരണം ചെയ്തു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
