ഐഎസ്എല്ലില്‍ ഹോം ഗ്രൗണ്ടില്‍ നോര്‍ത്ത് ഈസ്റ്റ് യുണൈറ്റഡിനെ ഒന്നിനെതിരേ മൂന്നു ഗോളുകള്‍ക്കു പരാജയപ്പെടുത്തി കേരളാ ബ്ലാസ്റ്റേഴ്‌സ് തകര്‍പ്പന്‍ വിജയം നേടി. ഗോള്‍ വിട്ടുനിന്ന ആദ്യപകുതിക്കു ശേഷം നാല്‍പ്പത്തിയൊമ്പതാം മിനിറ്റില്‍ സ്പാനിഷ് താരം ഹോസു ക്യുറെസാണു ബ്ലാസ്റ്റേഴ്‌സിനു വേണ്ടി ആദ്യം വല ചലിപ്പിച്ചത്. പിന്നീട് മലയാളി താരം മുഹമ്മദ് റാഫിയാണു കേരളാ ബ്ലാസ്റ്റേഴ്‌സിന്റെ രണ്ടാം ഗോള്‍ നേടിയത്. 68-ാം മിനിറ്റില്‍ റാഫി വല ചലിപ്പിച്ചപ്പോള്‍ നാലു മിനിറ്റുകള്‍ക്കു ശേഷം വീണ്ടും കേരളാ ബ്ലാസ്റ്റേഴ്‌സ് അടുത്ത ഗോളും നേടി. 72-ാം മിനിറ്റില്‍ സാഞ്ചസ് വാട്ടിലൂടെയാണു ബ്ലാസ്റ്റേഴ്‌സ് മൂന്നാം ഗോള്‍ നേടിയത്.

എണ്‍പത്തിരണ്ടാം മിനിറ്റില്‍ വിലീസാണു ഈസ്റ്റ് യുണൈറ്റഡിന്റെ ആശ്വാസ ഗോള്‍ നേടിയത്. ആദ്യ മത്സരം തന്നെ തകര്‍പ്പന്‍ ജയത്തോടെ തുടങ്ങാന്‍ കഴിഞ്ഞതിന്റെ ആഹ്ലാദത്തിലാണു ബ്ലാസ്റ്റേഴ്‌സ്. കൊച്ചി ടീം ഉടമ സച്ചിന്‍ തെന്‍ഡുല്‍ക്കര്‍, മുഖ്യമന്ത്രി ഉമ്മന്‍ ചാണ്ടി തുടങ്ങിയ പ്രമുഖര്‍ കളി കാണാന്‍ കൊച്ചി ജവഹര്‍ലാല്‍ നെഹ്‌റു സ്റ്റേഡിയത്തില്‍ എത്തിയിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha