ഞെട്ടലോടെ ആരാധകര്‍.....വെയ്ല്‍സ് ഫുട്‌ബോള്‍ ടീം ക്യാപ്റ്റനും മുന്‍ റയല്‍ മഡ്രിഡ് താരവുമായ ഗരെത് ബെയ്ല്‍ വിരമിക്കുന്നു
ഞെട്ടലോടെ ആരാധകര്‍.....വെയ്ല്‍സ് ഫുട്‌ബോള്‍ ടീം ക്യാപ്റ്റനും മുന്‍ റയല്‍ മഡ്രിഡ് താരവുമായ ഗരെത് ബെയ്ല്‍ വിരമിക്കുന്നു. 33ാം വയസ്സില്‍ കളി നിര്‍ത്തുകയാണെന്നു പ്രഖ്യാപിച്ച് ആരാധകരെ ഞെട്ടിച്ചിരിക്കുകയാണ്.
64 വര്‍ഷത്തെ ഇടവേളയ്ക്കു ശേഷം വെയ്ല്‍സിനെ ലോകകപ്പ് ഫൈനല്‍ റൗണ്ടിലെത്തിക്കുകയും ടീമിനായി ഗോള്‍നേടുകയും ചെയ്ത ബെയ്ല്‍ നിലവില്‍ യുഎസിലെ ലൊസാഞ്ചല്‍സ് എഫ്‌സിയുടെ താരമാണ്. 'ഏറെ ആലോചിച്ചാണ് ഈ തീരുമാനമെടുത്തത്. ക്ലബ്, രാജ്യാന്തര ഫുട്‌ബോളില്‍നിന്ന് ഞാന്‍ വിരമിക്കുന്നു' ബെയ്ല്‍ ട്വിറ്ററില്‍ കുറിച്ചിരിക്കുകയാണ്.
വെയ്ല്‍സിന്റെ എക്കാലത്തെയും മികച്ച താരമായ ബെയ്ല്‍ 17ാം വയസ്സിലാണ് രാജ്യാന്തര ഫുട്ബോളില് അരങ്ങേറുന്നത്. 111 കളിയില്‍നിന്നു രാജ്യത്തിനായി 41 ഗോള്‍ നേടി. ഇംഗ്ലിഷ് ക്ലബ് സതാംപ്ടന്‍, ടോട്ടനം ഹോട്‌സ്പര്‍ എന്നിവയിലൂടെ കളിച്ചു തെളിഞ്ഞ സ്പാനിഷ് ക്ലബ് റയല്‍ മഡ്രിഡില്‍ വന്‍വിലയുള്ള താരമായി വളര്‍ന്നിരുന്നു. റയലിനായി 176 മത്സരങ്ങളില്‍നിന്ന് 81 ഗോളുകളും 5 ചാംപ്യന്‍സ് ലീഗ് കിരീടങ്ങളും നേടിയിട്ടുണ്ട്.
" f
https://www.facebook.com/Malayalivartha
