ഇംഗ്ലീഷ് പ്രീമിയര്‍ ലീഗില്‍ ഇന്ന് മാഞ്ചസ്റ്റര്‍ സിറ്റിയെ ആഴ്സണല് നേരിടും
ഇംഗ്ലീഷ് പ്രീമിയര്‍ ലീഗില്‍ ഇന്ന് മാഞ്ചസ്റ്റര്‍ സിറ്റിയെ ആഴ്സണല് നേരിടും. രാത്രി ഒരു മണിക്കാണ് മത്സരം. സീസണിന്റെ മൂന്നാം വാരത്തില്‍ സ്വന്തമാക്കിയ പോയിന്റ് പട്ടികയിലെ ഒന്നാം സ്ഥാനം നിലനിര്‍ത്താനാണ് ആഴ്സണല് ഇറങ്ങുന്നത്.
അതേസമയം പ്രീമിയര്‍ ലീഗില്‍ ഹാട്രിക് കിരീടമെന്ന ലക്ഷ്യത്തിലേക്ക് തിരിച്ചെത്താനായി മാഞ്ചസ്റ്റര്‍ സിറ്റി മൈതാനത്തെത്തും. എമിറേറ്റ്‌സ് സ്റ്റേഡിയത്തിലാണ് ഇന്ന് തീപാറും പോരാട്ടം നടക്കുക.
ലീഗില്‍ ആഴ്സണലിന് അമ്പത്തിയൊന്നും സിറ്റിക്ക് നാല്‍പത്തിയെട്ടും പോയിന്റാണ് നിലവിലുള്ളത്. ഇന്ന് ജയിച്ചാല്‍ ഗോള്‍ ശരാശരിയുടെ ബലത്തില്‍ സിറ്റി മുന്നിലെത്തും. ആഴ്സണലിനാണെങ്കില്‍ ലീഡ് വര്‍ധിപ്പിക്കാനുള്ള അവസരമാണ് ഇന്നത്തെ മത്സരം.
അപാര ഫോമില്‍ കുതിക്കുകയായിരുന്ന ആഴ്സണല് കഴിഞ്ഞ കളികളില്‍ നിരാശപ്പെടുത്തിയിരുന്നു. എവര്‍ട്ടണോട് തോറ്റപ്പോള്‍ ബ്രന്റ്ഫോര്‍ഡിനോട് സമനില വഴങ്ങി. ഈ മോശം പ്രകടനങ്ങളുടെ തുടക്കം എഫ്എ കപ്പില്‍ സിറ്റിയോട് തോറ്റത് മുതലായിരുന്നു. മാഞ്ചസ്റ്റര്‍ സിറ്റിക്കാകട്ടെ ഇത് കയറ്റിറക്കങ്ങളുടെ സീസണാണ്. ടോട്ടനത്തോട് തോറ്റ സിറ്റി കഴിഞ്ഞ മത്സരത്തില്‍ ആസ്റ്റന്‍ വില്ലയെ തോല്‍പ്പിച്ച് വിജയവഴിയില്‍ തിരിച്ചെത്തി. ആശാന്‍ പെപ് ഗ്വാര്‍ഡിയോളയെ ഇന്നെങ്കിലും ശിഷ്യന്‍ മൈക്കിള്‍ അര്‍ട്ടെറ്റയ്ക്ക് തോല്‍പ്പിക്കാനാകുമോയെന്ന് കണ്ടറിയേണ്ടതുണ്ട്.
"
https://www.facebook.com/Malayalivartha
