സ്പാനിഷ് ക്ലബ് ബാഴ്‌സലോണയെ തോല്‍പ്പിച്ച് ഇംഗ്ലീഷ് ക്ലബ് മാഞ്ചസ്റ്റര്‍ യുണൈറ്റഡ് യൂറോപ്പ ലീഗിന്റെ പ്രീക്വാര്‍ട്ടറില്‍ കടന്നു. ഓള്‍ഡ് ട്രാഫോര്‍ഡില്‍ നടന്ന രണ്ടാം പാദത്തില്‍ 2-1നാണ് യുണൈറ്റഡിന്റെ ജയം.

ഇരുപാദങ്ങളുമായി 4-3. ഈ തോല്‍വിയോടെ ബാഴ്‌സ പുറത്തായി. ബാഴ്‌സയുടെ മൈതാനത്ത് നടന്ന ആദ്യപാദ മത്സരത്തില്‍ ഇരുടീമുകളും രണ്ട് ഗോള്‍ വീതം നേടി സമനിലയില്‍ പിരിഞ്ഞിട്ടുണ്ടായിരുന്നു. ഇതോടെ രണ്ടാംപാദ മത്സരം ഇരുടീമിനും നിര്‍ണായകമായി.

മത്സരത്തില്‍ ആദ്യം ലീഡ് നേടിയത് ബാഴ്‌സയാണ്. പതിനെട്ടാം മിനിറ്റില്‍ പെനാല്‍റ്റി വലയിലെത്തിച്ച് റോബര്‍ട്ട് ലെവന്‍ഡോസ്‌കി ബാഴ്‌സയെ മുന്നിലെത്തിക്കുകയും ചെയ്തു.

എന്നാല്‍ ഫ്രെഡ് (47'), ആന്റണി (73') എന്നിവരിലൂടെ തിരിച്ചടിച്ച യുണൈറ്റഡ് പ്രീക്വാര്‍ട്ടര്‍ ടിക്കറ്റ് സ്വന്തമാക്കുകയും ചെയ്തു.