ക്വാര്‍ട്ടറില്‍ കടന്ന് മാഞ്ചസ്റ്റര്‍ സിറ്റി ചാമ്പ്യന്‍സ് ലീഗ്
ആര്‍ബി ലൈപ്‌സിംഗിനെ ഗോള്‍മഴയില്‍ മുക്കി മാഞ്ചസ്റ്റര്‍ സിറ്റി ചാമ്പ്യന്‍സ് ലീഗ് ക്വാര്‍ട്ടറില്‍. എര്‍ലിംഗ് ഹാളണ്ട് അഞ്ച് ഗോളടിച്ച രണ്ടാംപാദ പ്രീക്വാര്‍ട്ടര്‍ മത്സരത്തില്‍ എതിരില്ലാത്ത ഏഴു ഗോളുകള്‍ക്കാണ് സിറ്റിയുടെ വിജയം.
ആദ്യപാദത്തിലും ജയം സിറ്റിക്കൊപ്പമായിരുന്നു (10). ആദ്യപകുതിയില്‍ തന്നെ ഹാളണ്ട് ഹാട്രിക് പൂര്‍ത്തിയാക്കി. 22-ാം മിനിറ്റില്‍ പെനാല്‍റ്റിയിലൂടെയായിരുന്നു ആദ്യ ഗോള്‍ നേടിയത്.
ബോക്സില്‍ കോര്‍ണര്‍ കിക്ക് ക്ലിയര്‍ ചെയ്യുന്നതിനിടെ ബെഞ്ചമിന്‍ ഹെന്റിച്ചിന്റെ കൈയില്‍ പന്ത് തട്ടിയതാണ് പെനാല്‍റ്റിയില്‍ എത്തിച്ചത്. 24-ാം മിനിറ്റില്‍ രണ്ടാം ഗോളും ആദ്യപകുതിയുടെ ഇഞ്ചുറി സമയത്ത് ഹാളണ്ട് ഹാട്രിക്കും പൂര്‍ത്തിയാക്കി.
രണ്ടാംപകുതിയില്‍ 49-ാം മിനിറ്റില്‍ ഗുണ്ടോഗന്‍ ലീഡുയര്‍ത്തി. ജാക്ക് ഗ്രീലിഷിന്റെ അസിസ്റ്റിലായിരുന്നു ഗോള്‍. നാല് മിനിറ്റുകള്‍ക്ക് ശേഷം ഹാളണ്ടിന്റെ നാലാം ഗോള്‍. 57-ാം മിനിറ്റില്‍ ഹാളണ്ട് അഞ്ച് ഗോള്‍ പൂര്‍ത്തിയാക്കി. ഇഞ്ചുറി ടൈമില്‍ ഡ്രി ബ്രൂയ്നും ഗോള്‍ നേടിയതോടെ സിറ്റിക്ക് സമ്പൂര്‍ണ ജയം.
"
https://www.facebook.com/Malayalivartha
