യുവേഫ ചാമ്പ്യന്‍സ് ലീഗ് ഫുട്‌ബോളില്‍ ഇറ്റാലിയന്‍ ക്ലബ്ബായ നപ്പോളി ക്വാര്‍ട്ടറില്‍. ജര്‍മന്‍ ക്ലബ് ഐന്‍ട്രാക്റ്റ് ഫ്രാങ്ക്ഫര്‍ട്ടിനെ പ്രീക്വാര്‍ട്ടറിന്റെ ഇരുപാദങ്ങളിലുമായി 5-0ന് തോല്‍പ്പിച്ചാണ് നപ്പോളി ക്വാര്‍ട്ടറില്‍ കടന്നത്.

നേപ്പിള്‍സിലെ ഡീഗോ അര്‍മാന്‍ഡോ മറഡോണ സ്റ്റേഡിയത്തില്‍ നടന്ന പ്രീക്വാര്‍ട്ടര്‍ രണ്ടാംപാദ മത്സരം നപ്പോളി എതിരില്ലാത്ത മൂന്നു ഗോളുകള്‍ക്കാണ് വിജയിച്ചത്. ആദ്യപാദ മത്സരത്തില്‍ നപ്പോളി 2-0ന് ജയം നേടിയിട്ടുണ്ടായിരുന്നു.

ഇതാദ്യമായാണ് നപ്പോളി യുവേഫ ചാന്പ്യന്‍സ് ലീഗ് ഫുട്‌ബോളിന്റെ ക്വാര്‍ട്ടറില്‍ കടക്കുന്നത്.