ഹീറോ സൂപ്പര്‍ കപ്പില്‍ ബംഗളൂരു എഫ്‌സി ഫൈനലില്‍....
ഹീറോ സൂപ്പര്‍ കപ്പില്‍ ബംഗളൂരു എഫ്‌സി ഫൈനലില്‍. ജംഷഡ്പുര്‍ എഫ്സിയെ എതിരില്ലാത്ത രണ്ട് ഗോളുകള്‍ക്ക് പരാജയപ്പെടുത്തിയാണ് ബംഗളൂരു ഫൈനലില്‍ കടന്നത്. ജയേഷ് റാണ, സുനില്‍ ഛേത്രി എന്നിവരാണ് ബംഗളൂരുവിന്റെ ഗോളുകള്‍ നേടിയത്.
രണ്ടാം പകുതിയിലായിരുന്നു രണ്ട് ഗോളുകളും. ആദ്യ പകുതിയില്‍ ജംഷഡ്പൂരാണ് മികച്ച മുന്നേറ്റങ്ങള്‍ സൃഷ്ടിച്ചത്. പക്ഷേ ലഭിച്ച അവസരങ്ങള്‍ ഗോളാക്കി മാറ്റുന്നതില്‍ അവര്‍ പരാജയപ്പെട്ടു.
മൂന്നാം മിനിറ്റില്‍ ഡാനിയല്‍ ചിമ ചുക്കുവിന്റെയും 16-ാം മിനിറ്റില്‍ ബോറിസ് സിംഗിന്റെയും ഗോള്‍ ശ്രമങ്ങള്‍ ബംഗളൂരു ഗോള്‍കീപ്പര്‍ ഗുര്‍പ്രീത് സിംഗ് സന്ധു തടഞ്ഞു. ഇടവേളയ്ക്ക് ശേഷം, ബംഗളുരു ആക്രമിച്ചുതുടങ്ങി. രണ്ടാം പകുതിയില്‍ ശിവശക്തി നാരായണനെ കളത്തിലിറക്കിയ കോച്ച് സൈമണ്‍ ഗ്രേയുടെ തീരുമാനവും ബംഗളൂരുവിന്റെ മുന്നേറ്റങ്ങള്‍ക്ക് വേഗം നല്‍കി. ശിവശക്തിയാണ് ബംഗളൂരുവിന്റെ ആദ്യ ഗോളിന് വഴിയൊരുക്കിയത്.
"
https://www.facebook.com/Malayalivartha
