പതിനൊന്നാമത് സാഫ് ഫുട്‌ബോള്‍ മല്‍സരങ്ങളുടെ കിക്കോഫിന് മണിക്കൂറുകള്‍ മാത്രമേയുള്ളൂ. വൈകുന്നേരം മൂന്നരയ്ക്ക് കാര്യവട്ടം ഗ്രീന്‍ഫീല്‍ഡ് സ്‌റ്റേഡിയത്തില്‍ നടക്കുന്ന ഉദ്ഘാടന മല്‍സരത്തില്‍ നേപ്പാളും ശ്രീലങ്കയും തമ്മില്‍ ഏറ്റുമുട്ടും. മികച്ച പ്രകടനം കാഴ്ചവെക്കാനാകുമെന്ന പ്രതീക്ഷയിലാണ് ഇന്ത്യ ഉള്‍പ്പടെയുള്ള ഏഴ് ദക്ഷിണേഷ്യന്‍ രാജ്യങ്ങള്‍ പോരാട്ടത്തിനൊരുങ്ങുന്നത്. 

ഫുട്‌ബോള്‍ പ്രേമികളുടെ കാത്തിരിപ്പിന് വിരാമം. കാര്യവട്ടം രാജ്യാന്തര സ്‌റ്റേഡിയത്തില്‍ കാല്‍പ്പന്തുകളിയുടെ വസന്തം വിരിയാന്‍ ഇനി മണിക്കൂറുകള്‍ മാത്രം.സംഘാടനത്തിലെ പിഴവുകള്‍ ചൂണ്ടിക്കാട്ടി ടീമുകള്‍ വിമര്‍ശനവുമായി രംഗതെത്തിയിരുന്നെങ്കിലും ആവേശം തെല്ലും ചോരാതെയാണ് താരങ്ങള്‍ പോരാട്ടത്തിന് തയ്യാറെടുക്കുന്നത്. കിരീടം നിലനിര്‍ത്താനാകുമെന്ന പ്രതീക്ഷയിലാണ് നിലവിലെ ചാംപ്യന്‍മാരായ അഫ്ഗാനിസ്ഥാന്‍. ഐ എസ് എല്ലില്‍ രാജ്യാന്തര താരങ്ങള്‍ക്കൊപ്പം കളിച്ചു നേടിയ പരിചയം ആതിഥേയര്‍ക്ക് ഗുണം ചെയ്യുമെന്ന ആത്മവിശ്വാസത്തിലാണ് സുനില്‍ ഛേത്രി ക്യാപ്റ്റനായ ഇന്ത്യന്‍ ടീം. ക്രിസ്തുമസ് ദിനത്തില്‍ ശ്രീലങ്കയ്‌ക്കെതിരെയാകും ഇന്ത്യയുടെ കന്നി മല്‍സരം. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha