ക്രിസ്റ്റ്യാനോ റൊണാള്‍ഡോയുടെ മിന്നും പ്രകടനത്തില്‍ അല്‍ നാസര്‍ അറബ് കപ്പ് ഫുട്ബോള്‍ ചാമ്പ്യന്‍മാരായി. അല്‍ ഹിലാലിനെതിരെ ഒന്നിനെതിരെ രണ്ടു ഗോളുകള്‍ക്കായിരുന്നു അല്‍ നസറിന്റെ വിജയം.
ക്രിസ്റ്റ്യാനോ റൊണാള്‍ഡോയുടെ മിന്നും പ്രകടനത്തില്‍ അല്‍ നാസര്‍ അറബ് കപ്പ് ഫുട്ബോള്‍ ചാമ്പ്യന്‍മാരായി. അല്‍ ഹിലാലിനെതിരെ ഒന്നിനെതിരെ രണ്ടു ഗോളുകള്‍ക്കായിരുന്നു അല്‍ നസറിന്റെ വിജയം.
ഒരു ഗോളിന് പിന്നിട്ടുനിന്ന അല്‍ നസറിനെ ഇരട്ടഗോളുമായി റൊണാള്‍ഡോ കിരീടത്തിലേക്ക് നയിക്കുകയായിരുന്നു.74-ാം മിനിറ്റിലും അധിക സമയത്തിന്റെ 98-ാം മിനിറ്റിലും റൊണാള്‍ഡോ ഗോളടിച്ച റൊണാള്‍ഡോ ടീമിന് കിരീടം സമ്മാനിച്ചു. ക്ലബ്ബിനൊപ്പമുള്ള പോര്‍ച്ചുഗല്‍ ക്യാപ്റ്റന്റെ കന്നി ട്രോഫികൂടിയാണിത്. രണ്ടാം പകുതിയില്‍ മൈക്കിളിലൂടെ അല്‍ ഹിലാലാണ് ആദ്യം ഗോള്‍ നേടിയത്. തിരിച്ചടിക്കാനുള്ള അല്‍ നസറിന്റെ ശ്രമങ്ങള്‍ക്കിടെ 70-ാം മിനിറ്റില്‍ അബ്ദുല്ല അല്‍ അമ്രി ചുവപ്പ് കാര്‍ഡ് കണ്ടു പുറത്തുപോയി.
78-ാം മിനിറ്റില്‍ നവാഫ് ബൗഷലും ചുവപ്പ് കാര്‍ഡ് കണ്ടതോടെ അല്‍ നസര്‍ ഒമ്പതുപേരാണ് ചുരുങ്ങി. എന്നാല്‍ മാസ്മരിക പ്രകടനത്തിലൂടെ റൊണാള്‍ഡോയെന്ന ഒറ്റയാന്‍ ടീമിനെ വിജയത്തിലേക്ക് നയിച്ചു.
ടൂര്‍ണമെന്റില്‍ തുടര്‍ച്ചയായ അഞ്ചാം കളിയിലും റൊണാള്‍ഡോ ലക്ഷ്യംകാണുകയുണ്ടായി. ആകെ ആറു ഗോളുകളാണ് മുപ്പത്തെട്ടുകാരനായ സൂപ്പര്‍ താരം വലയിലാക്കിയത്.
"
https://www.facebook.com/Malayalivartha
