മാഞ്ചസ്റ്റര്‍ യുണൈറ്റഡ് ചെല്‍സി മല്‍സരം സമനിലയില്‍
ഇംഗ്ലീഷ് പ്രീമിയര്‍ ലീഗില്‍ മാഞ്ചസ്റ്റര്‍ യുണൈറ്റഡ് ചെല്‍സി മല്‍സരം സമനിലയില്‍. തുടര്‍ തോല്‍വികളില്‍ നട്ടം തിരിയുന്ന ഇരു ടീമുകളും നിര്‍ണായക മല്‍സരത്തില്‍ ഗോള്‍ രഹിത സമനിയയില്‍ പിരിയുകയായിരുന്നു. കഴിഞ്ഞ നാലു മല്‍സരങ്ങളിലും തോല്‍വി വഴങ്ങിയ മാഞ്ചസ്റ്റര്‍ ലീഗില്‍ നിലവില്‍ ആറാം സ്ഥാനത്താണ്. പരീശീലകന്‍ വാന്‍ഗാലിനെതിരെ മുറവിളികള്‍ ശക്തമായ സാഹചര്യത്തിലാണ് യുണൈറ്റഡ് ചെല്‍സിയെ നേരിടാനിറങ്ങിയത്.
എന്നാല്‍ നിര്‍ണായകഘട്ടത്തില്‍ ജയം എത്തിപിടിക്കാന്‍ താരങ്ങള്‍ക്കായില്ല. നിലവിലെ ചാപ്യന്‍മാരെന്ന ലേബലില്‍ നിന്ന് പതിനാലം സ്ഥാനത്തേക്ക് കൂപ്പുകുത്തിയ ചെല്‍സിക്കും ഇനിയൊരു തിരിച്ചുവരവ് സാധ്യമാകില്ല. മറ്റൊരു മല്‍സരത്തില്‍ ആഴ്‌സണല്‍ എ.എഫ്.സി ബോര്‍ണെമൗത്തിനെ എതിരില്ലാത്ത രണ്ടുഗോളിന് തോല്‍പിച്ചു. ഓസിലും പോലിസ്റ്റയുമാണ് ആഴ്‌സണിലിനായി ഗോള്‍ നേടിയത്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
