ആത്മവിശ്വാസത്തോടെ.... എസ്എല്‍ ഫുട്ബോളില് ജയം തുടരാന്‍ കേരള ബ്ലാസ്റ്റേഴ്സ്...
പോയിന്റ് പട്ടികയില്‍ ഒന്നാംസ്ഥാനം തിരിച്ചുപിടിക്കുക ലക്ഷ്യം വച്ച് എസ്എല്‍ ഫുട്ബോളില് ജയം തുടരാന്‍ കേരള ബ്ലാസ്റ്റേഴ്സ്. ഇന്ന് ചെന്നൈയിന്‍ എഫ്‌സിയാണ് എതിരാളി.
16 പോയിന്റുമായി എഫ്‌സി ഗോവയാണ് മുന്നില്‍. ഇത്രതന്നെ പോയിന്റുണ്ടെങ്കിലും ബ്ലാസ്റ്റേഴ്സ് ഗോള്‍ വ്യത്യാസത്തില്‍ പിന്നിലാണ്. കൊച്ചി ജവാഹര്‍ലാല്‍ നെഹ്‌റു സ്‌റ്റേഡിയത്തില്‍ രാത്രി എട്ടിനാണ് കളി. മുന്‍ ചാമ്പ്യന്‍മാരായ ഹൈദരാബാദ് എഫ്സിയെ ഒരു ഗോളിന് തോല്‍പ്പിച്ചതിന്റെ ആത്മവിശ്വാസത്തിലാണ് ബ്ലാസ്റ്റേഴ്സ്.
സ്വന്തം തട്ടകത്തില്‍ ഈ സീസണില്‍ ഇതുവരെ തോല്‍വിയുണ്ടായിട്ടില്ല. അവസാന മൂന്നുകളിയും ജയിച്ചു. അതിലൊന്ന് ഈസ്റ്റ് ബംഗാളിനെതിരെ കൊല്‍ക്കത്തയില്‍ നേടിയ ജയമാണ്. ഹൈദരാബാദിനെതിരെ പ്രതിരോധക്കാരന്‍ മിലോസ് ഡ്രിന്‍സിച്ചാണ് ബ്ലാസ്‌റ്റേഴ്‌സിന് ജയമൊരുക്കിയത്. പ്രതിരോധത്തില്‍ മികച്ച പ്രകടനമായിരുന്നു ടീമിന്റേത്. മറ്റൊരു വിദേശതാരം ദെയ്‌സൂക്കെ സക്കായ് അവസാന മത്സരങ്ങളില്‍ മികച്ച പ്രകടനമാണ് പുറത്തെടുത്തത്. ഡ്രിന്‍സിച്ചിന്റെ ഗോളിന് അവസരമൊരുക്കിയത് ഈ ജപ്പാന്‍കാരനാണ്. മധ്യനിരയില്‍ ഡാനിഷ് ഫാറൂഖാണ് ശ്രദ്ധേയന്‍.
"
https://www.facebook.com/Malayalivartha
