സൗദി പ്രോ ലീഗില്‍ ക്രിസ്റ്റ്യാനോ റൊണാള്‍ഡോയുടെ അല്‍ നസ്‌റിന് ജയം. ഒന്നിനെതിരെ നാല് ഗോളിന് അല്‍ റിയാദിനെ തോല്‍പ്പിച്ചു. 31ാം മിനിറ്റില്‍ റൊണാള്‍ഡോയാണ് ഗോള്‍വേട്ടയ്ക്ക് ആരംഭമിട്ടത്.

ഒരു അസിസ്റ്റും മത്സരത്തില്‍ സിആര്‍7 സ്വന്തമാക്കി. ടാലിസ്‌ക ഇരട്ട ഗോള്‍ നേടിയപ്പോള്‍ മറ്റൊരു ഗോള്‍ ഒക്ടോവിയോയുടെ വകയായിരുന്നു. 16 റൗണ്ട് മത്സരങ്ങള്‍ പൂര്‍ത്തിയായപ്പോള്‍ 37 പോയിന്റുമായി ലീഗില്‍ രണ്ടാമതാണ് അല്‍ നസ്ര്!. 44 പോയിന്റുള്ള അല്‍ ഹിലാലാണ് സൗദി പ്രോ ലീഗില്‍ ഒന്നാമത്.


അതേസമയം ഇംഗ്ലീഷ് പ്രീമിയര്‍ ലീഗിലെ നവംബര്‍ മാസത്തെ മികച്ച താരമായി മാഞ്ചസ്റ്റര്‍ യുണൈറ്റ!ിന്റെ ഹാരി മഗ്വെയര്‍ തെരഞ്ഞെടുക്കപ്പെട്ടു. കഴിഞ്ഞ മാസത്തെ മൂന്ന് മത്സരങ്ങള്‍ ക്ലീന്‍ ഷീറ്റ് സ്വന്തമാക്കിയ പ്രകടനമാണ് യുണൈറ്റഡ് ഡിഫന്‍ഡറെ പുരസ്‌കാരത്തിന് അര്‍ഹനാക്കിയത്.


മോശം പ്രകടനങ്ങളുടെ പേരില്‍ ക്യാപ്റ്റന്‍ സ്ഥാനവും പ്ലെയിംഗ് ഇലവനിലെ സ്ഥാനവും നഷ്ടമായ മഗ്വെയറുടെ ശക്തമായ തിരിച്ചുവരാണ് അടുത്തിടെ കണ്ടത്. മുഖ്യതാരങ്ങളുടെ പരിക്കിനിടെ മഗ്വെയറുടെ മിന്നും ഫോം യുണൈറ്റഡിനും തുണയായി.