അത്‌ലറ്റികോ മാഡ്രിഡ് ലാലീഗ പോയിന്റ് പട്ടികയില്‍ മൂന്നാം സ്ഥാനത്തേക്ക്...
അത്‌ലറ്റികോ മാഡ്രിഡ് ലാലീഗ പോയിന്റ് പട്ടികയില്‍ മൂന്നാം സ്ഥാനത്തേക്ക് . ബാഴ്‌സണലോണയെ പിന്തള്ളിയാണ് അത്‌ലറ്റികോ മൂന്നാമതെത്തിയത്. ഇരുടീമിനും 38 പോയിന്റാണെങ്കിലും ഗോള്‍ ശരാശരിയുടെ വ്യത്യാസത്തില്‍ ബാഴ്‌സ പിന്നോട്ട് പോകുകയായിരുന്നു. അത്‌ലറ്റികോയുടെ സ്വന്തം തട്ടകമായ സിവിറ്റാസ് മെട്രോപൊളിറ്റന്‍ സ്‌റ്റേഡിയത്തില്‍ നടന്ന മത്സരം ആദ്യ പകുതി ഗോള്‍ രഹിതമായിരുന്നു.
എന്നാല്‍ രണ്ടാം പകുതിയുടെ ആദ്യ മിനിറ്റില്‍ തന്നെ അത്‌ലറ്റികോ മാഡ്രിഡ് ലീഡെടുത്തു. മാര്‍ക്കോസ് ലോറന്റെയാണ് ഗോള്‍ കണ്ടെത്തിയത്. 70ാം മിനിറ്റില്‍ സെവിയ്യയുടെ ലൂകാസ് ഒകാമ്പസിനെ ഫൗള്‍ ചെയ്ത് വീഴ്ത്തിയതിന് രണ്ടാം മഞ്ഞ കാര്‍ഡ് കണ്ട അത്‌ലറ്റികോയുടെ ടര്‍കിഷ് ഡിഫന്‍ഡര്‍ ചാളര്‍ ഷിഗിഞ്ജുവിനെ ചുവപ്പുയര്‍ത്തി റഫറി പുറത്താക്കുകയും ചെയ്തു.
എന്നാല്‍ അത്‌ലറ്റികോ മാഡ്രിഡിലെ ഒരാളുടെ കുറവ് മുതലെടുക്കാന്‍ സെവിയ്യക്കായില്ല. 16 പോയിന്റുള്ള സെവിയ്യ 15ാം സ്ഥാനത്താണ്. ലാലീഗയില്‍ 45 പോയിന്റുമായി റയല്‍ മാഡ്രിഡ്, ജിറോണ എന്നിവര്‍ ഒന്നും ര!ണ്ടും സ്ഥാനങ്ങളില്‍ തുടരുന്നു.
https://www.facebook.com/Malayalivartha
