അമേരിക്കന്‍ മേജര്‍ സോക്കര്‍ ലീഗ് (എം.എല്‍.എസ്) പുതിയ സീസണില്‍ ജയത്തോടെ തുടങ്ങി ലയണല്‍ മെസ്സിയുടെ ഇന്റര്‍മയാമി. റിയല്‍ സാള്‍ട്ട് ലേക്കിനെ ഏകപക്ഷീയമായ രണ്ടു ഗോളിന് കീഴടക്കിയാണ് മയാമി സീസണിന് തുടക്കമിട്ടത്. റോബര്‍ട്ട് ടെയ്‌ലറും ഡിഗോ ഗോമസുമാണ് ഗോള്‍ കണ്ടെത്തിയത്.

39ാം മിനിറ്റില്‍ മെസ്സിയുടെ അസിസ്റ്റില്‍ നിന്നാണ് ടെയ്‌ലര്‍ മയാമിക്കായി ആദ്യ ലീഡെടുക്കുന്നത്. രണ്ടാം പകുതിയുടെ അവസാനം മെസ്സിയും സുവാരസും ഒരുമിച്ച് നടത്തിയ നീക്കം ഡീഗോ ഗോമസ് പൂര്‍ത്തിയാക്കി.