ചെല്‍സി എഫ്.എ കപ്പ് ക്വാര്‍ട്ടറില്‍.. രക്ഷകനായി ഗല്ലഗെർ
ചെല്‍സി എഫ്.എ കപ്പ് ക്വാര്‍ട്ടറില്‍. സ്റ്റാംഫോര്‍ഡ് ബ്രിഡ്ജില്‍ അഞ്ചാം റൗണ്ട് മത്സരത്തില്‍ ലീഡ്‌സ് യുനൈറ്റഡിനെ രണ്ടിനെതിരെ മൂന്നു ഗോളുകള്‍ക്കാണ് നിലപ്പട വീഴ്ത്തിയത്.
ക്വാര്‍ട്ടറില്‍ ലൈസസ്റ്റര്‍ സിറ്റിയാണ് ചെല്‍സിയുടെ എതിരാളികള്‍. നികോളാസ് ജാക്‌സണ്‍ (15ാം മിനിറ്റില്‍), മൈഖൈലോ മുഡ്രിക് (37ാം മിനിറ്റില്‍), ഗല്ലഗെര്‍ (90ാം മിനിറ്റില്‍) എന്നിവരാണ് ചെല്‍സിക്കായി വലകുലുക്കിയത്.
മറ്റിയോ ജോസഫിന്റെ (എട്ട്, 59 മിനിറ്റുകളില്‍) വകയായിരുന്നു ലീഡ്‌സിന്റെ രണ്ടു ഗോളുകളും. കഴിഞ്ഞദിവസം വെംബ്ലിയില്‍ കരബാവോ കപ്പ് ഫൈനലില്‍ ലിവര്‍പൂളിനോട് പരാജയപ്പെട്ടെങ്കിലും മറ്റൊരു കിരീട നേട്ടത്തിനുള്ള സാധ്യതയാണ് ചെല്‍സിക്ക് മുന്നില്‍ തുറന്നിട്ടിരിക്കുന്നത്.
പ്രീമിയര്‍ ലീഗില്‍ നിലവില്‍ 11ാം സ്ഥാനത്താണ് ടീം. മാര്‍ച്ചില്‍ സ്വന്തം മൈതാനത്ത് നടക്കുന്ന ക്വാര്‍ട്ടറില്‍ ജയിക്കുകയാണെങ്കില്‍ മൗറിഷ്യോ പൊച്ചെറ്റിനോയുടെയും സംഘത്തിയും എഫ്.എ കപ്പ് സെമി ഫൈനല്‍ പോരാട്ടം വെംബ്ലിയിലാകും.
"
https://www.facebook.com/Malayalivartha
