യൂറോ കപ്പില്‍ സ്ലൊവേനിയയ്ക്കെതിരെ ഗോള്‍രഹിത സമനിലയില്‍ കുരുങ്ങി ഇംഗ്ലണ്ട്...
യൂറോ കപ്പില്‍ സ്ലൊവേനിയയ്ക്കെതിരെ ഗോള്‍രഹിത സമനിലയില്‍ കുരുങ്ങി ഇംഗ്ലണ്ട്. തോല്‍വി വഴങ്ങാതെ വന്നതോടെ ഇംഗ്ലണ്ട് ഗ്രൂപ്പ് സിയില്‍ നിന്ന് അഞ്ച് പോയിന്റോടെ ആദ്യ സ്ഥാനക്കാരായി പ്രീക്വാര്‍ട്ടറിലേക്ക് കടക്കുകയും ചെയ്തു.
ഹാരി കെയ്ന്‍, ജൂഡ് ബെല്ലിങ്ങാം, ഫില്‍ ഫോഡന്‍, ബുക്കയോ സാക്ക പോലുള്ള വന്‍ താരനിരയുണ്ടായിട്ടും ഒരു ഗോള്‍പോലും നേടാനാവാതെ ഇംഗ്ലണ്ട് ആരാധകരെ നിരാശരാക്കുകയായിരുന്നു.
സ്ലൊവേനിയയ്ക്കെതിരെ ആദ്യ പകുതിയില്‍ ഇംഗ്ലണ്ടിന് പറയത്തക്ക മുന്നേറ്റങ്ങളൊന്നും ഉണ്ടായില്ല. ഫില്‍ ഫോഡന്റെ ഫ്രീകിക്ക് സ്ലൊവേനിയന്‍ ഗോളി യാന്‍ ഒബ്ലാക് സേവ് ചെയ്തതാണ് ഏക ഗോള്‍ ഷോട്ട്. 21ാം മിനിറ്റില്‍ ഫോഡന്റെ അസിസ്റ്റില്‍ ബുകായോ സാക പന്ത് വലയിലെത്തിച്ചെങ്കിലും ഓഫ്സൈഡ് വിധി വന്നു. മറുവശത്ത് കൗണ്ടര്‍ അറ്റാക്കിലൂടെ ഗോളടിക്കാനായിരുന്നു സ്ലൊവേനിയയുടെ ശ്രമം.
രണ്ടാം പാതിയില്‍ യുവതാരങ്ങളായ കോള്‍ പാമര്‍, ടെന്റ് അലക്സാണ്ടര്‍ അര്‍നോള്‍ഡ്, കോബി മെയ്നൂ എന്നിവരെ ഇറക്കി ഇംഗ്ലണ്ട് പരീക്ഷണം നടത്തിയെങ്കിലും വിജയിക്കാന്‍ കഴിഞ്ഞില്ല.
"
https://www.facebook.com/Malayalivartha
