ഡ്യൂറന്റ് കപ്പ് ക്വാര്‍ട്ടറില്‍ കേരള ബ്ലാസ്‌റ്റേഴ്‌സിന് പരാജയം.... ബംഗളൂരു എഫ്‌സി സെമിയിലേക്ക്
ഡ്യൂറന്റ് കപ്പ് ക്വാര്‍ട്ടറില്‍ കേരള ബ്ലാസ്‌റ്റേഴ്‌സിന് പരാജയം.... ബ്ലാസ്‌റ്റേഴ്‌സിനെ വീഴ്ത്തി ബംഗളൂരു എഫ്‌സി സെമിയിലേക്ക് മുന്നേറി. സെമിയില്‍ കൊല്‍ക്കത്തന്‍ കരുത്തരായ മോഹന്‍ ബഗാന്‍ സൂപ്പര്‍ ജയന്റ്‌സാണു ബംഗളൂരുവിന്റെ എതിരാളികളായുള്ളത്.
മറുപടിയില്ലാത്ത ഒറ്റ ഗോളിനാണ് ബംഗളൂരുവിന്റെ ജയം. 90 മിനിറ്റും ഗോള്‍ രഹിതമായിരുന്നു. ഇഞ്ച്വറി സമയത്തിന്റെ അഞ്ചാം മിനിറ്റില്‍ ബംഗളൂരു വിജയ ഗോള്‍ വലയിലാക്കി. തിരിച്ചടിക്കാനുള്ള അവസരം ബ്ലാസ്‌റ്റേഴ്‌സിന് കിട്ടിയതുമില്ല.
മുന്‍ ബ്ലാസ്റ്റേഴ്സ് താരം പെരേര ഡിയസാണ് ബംഗളൂരുവിന്റെ വിജയ ഗോള്‍ കരസ്ഥമാക്കിയത്. കോര്‍ണറില്‍ നിന്നു വന്ന പന്ത് ഇതിഹാസ താരം സുനില്‍ ഛേത്രി ഡിയസിനു മറിച്ചു നല്‍കുകയായിരുന്നു. മത്സരം ആരംഭിച്ച് കുറച്ചു സമയങ്ങള്‍ക്കുള്ളില്‍ ഗോള്‍ കീപ്പര്‍ സോം കുമാറിനു ബ്ലാസ്‌റ്റേഴ്‌സിന് നഷ്ടമായി. സച്ചിനാണ് പിന്നീട് വല കാത്തത്. ബ്ലാസ്റ്റേഴ്സ് മികച്ച കളി പുറത്തെടുത്തെങ്കിലും അവസാന നിമിഷത്തെ ഗോള്‍ പ്രതീക്ഷകളാകെ തെറ്റിച്ചു.
ഈ മാസം 25നു നടക്കുന്ന ആദ്യ സെമിയില്‍ നോര്‍ത്ത്ഈസ്റ്റ് യുനൈറ്റഡ് ഷില്ലോങ് ലജോങുമായി ഏറ്റുമുട്ടുന്നതാണ്.
"
https://www.facebook.com/Malayalivartha
