ചാമ്പ്യന്‍സ്‌ ലീഗില്‍ റയലും ചെല്‍സിയും സെമിയില്‍ പ്രവേശിച്ചു
റയല്‍ മാഡ്രിഡും ചെല്‍സിയും ചാമ്പ്യന്‍സ്‌ ലീഗ് ഫുട്‌ബോളിന്റെ സെമിഫൈനലില്‍ കടന്നു. രണ്ടാം പാദ ക്വാര്‍ട്ടറില്‍ റയല്‍ ബൊറുസ്യയോട്‌ തോറ്റെങ്കിലും ആദ്യ പാദക്വര്‍ട്ടറിലെ വന്‍ജയം റയലിനെ സെമിയിലേക്കെത്തിക്കുകയായിരുന്നു. പാരീസ്‌ സെന്റ്‌ ജോര്‍മനെ തോല്‍പ്പിച്ചാണ്‌ സെമിയില്‍ കടന്നത്‌.
ക്വാര്‍ട്ടറിന്റെ ഇരുപാദങ്ങളിലുമായി 3-2 നാണ്‌ റയല്‍ ബൊറൂസ്യയെ തോല്‍പ്പിച്ചത്‌. ആദ്യ പാദത്തില്‍ 3-0 ത്തിന്‌ ജയിച്ച റയല്‍ രണ്ടാം പാദത്തില്‍ 2-0 ത്തിന്‌ തോല്‍ക്കുകയായിരുന്നു. തുടര്‍ച്ചയായി നാലാം തവണയാണ്‌ റയല്‍ ചാമ്പ്യന്‍സ്‌ ലീഗിന്റെ സെമിയില്‍ എത്തുന്നത്‌.
മറ്റൊരു ക്വാര്‍ട്ടറില്‍ പാരീസ്‌ സെന്റ്‌ ജെര്‍മനെ അട്ടിമറിച്ച്‌ ചെല്‍സിയും സെമിയില്‍ എത്തി. ഇന്ന് സമനിലപിടിച്ചിരുന്നെങ്കില്‍ പാരീസ്‌ സെന്റ്‌ ജെര്‍മന്‍ സെമിയിലെത്തുമായിരുന്നു. എന്നാല്‍ മത്സരത്തില്‍ 2-0 ത്തിന്‌ അവര്‍ ചെല്‍സിയോട്‌ തോല്‍ക്കുകയായിരുന്നു.
https://www.facebook.com/Malayalivartha
