മഞ്ഞക്കിളികളെ മെക്‌സിക്കോ തളച്ചിട്ടു... ഫലം ഗോള്‍ രഹിത സമനില
ലോകകപ്പ്‌ ഗ്രൂപ്പ്‌ എയില്‍ ഇന്നലെ നടന്ന മത്സരത്തില്‍ ആതിഥേയരായ ബ്രസീലിനെ മെക്‌സിക്കോ ഗോള്‍രഹിത സമനിലയിലാക്കി. മത്സരത്തിലുടനീളം മികവ്‌ കാട്ടിയ മെക്‌സിക്കന്‍ ഗോളി ഫ്രാന്‍സിസ്‌കോ ഗില്ലര്‍മോ ചൊവോയുടെ അപൂര്‍വ ഫോമിന്‌ മുന്നിലാണ്‌ ബ്രസീലിന്റെ സ്വപ്‌നങ്ങള്‍ മാഞ്ഞുപോയത്‌.
കളിയുടെ ആദ്യ പകുതിയില്‍ സ്‌കോര്‍ ചെയ്യാന്‍ ബ്രസീലിന്‌ നിരവധി അവസരങ്ങള്‍ ലഭിച്ചെങ്കിലും മെക്‌സിക്കോയുടെ മുന്നില്‍ അതെല്ലാം നഷ്‌ടമായി. നെയ്‌മര്‍, ഫ്രെഡ്‌.ഓസ്‌കര്‍ എന്നിവരാണ്‌ ബ്രസീലിയന്‍ മുന്നേറ്റങ്ങള്‍ക്ക്‌ ചുക്കാന്‍ പിടിച്ചത്‌. പതിനൊന്നാം മിനിട്ടില്‍ സൈഡ്‌ നെറ്റില്‍ തട്ടിയ ഫ്രെഡിന്റെ ഷോട്ടോടെയാണ്‌ ബ്രസീലിയന്‍ മുന്നേറ്റം തുടങ്ങിയത്‌. ഇരുപത്തിയാറാം മിനിട്ടില്‍ നെയ്‌മറുടെ ഒരു മുന്നേറ്റം മെക്‌സിക്കന്‍ ഗോളി ഒചോയ സേവ്‌ ചെയ്‌തു. നാല്‍പത്തിനാലാം മിനിട്ടില്‍ ഒചോവോയുടെ കഴിവിനു മുന്നില്‍ ബ്രസീലിയക്കാരുടെ കരുത്ത്‌ ചോര്‍ന്നു പോയി. അവസാനം ബ്രസീല്‍ ഫ്രെഡിനെ മാറ്റി ജോയെ ഇറക്കിയെങ്കിലും ഫലമുണ്ടായില്ല.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
