ഇംഗ്ലണ്ടിനെതിരെ ഉറുഗ്വായ്‌ക്ക്‌ തകര്‍പ്പന്‍ വിജയം
പരിക്ക്‌ ഭേദമാകാതിരിന്നിട്ടും രാജ്യത്തിനായി കളിക്കാനിറങ്ങിയ സുവാരേസ്‌ ഇംഗ്ലണ്ടിനെ 2-1 ന് കീഴടക്കി വിജയം നേടി. മുപ്പത്തിഒന്‍പതാം മിനിട്ടില്‍ ഒരു ഹെഡറിലൂടെ സുവാരേസ്‌ നേടിയ ഗോളിന്‌ എഴുപത്തിയഞ്ചാം മിനിട്ടില്‍ വെയ്‌ന്‍ റൂണിയിലൂടെ ഇംഗ്ലണ്ട്‌ മറുപടി നല്‍കിയിരുന്നു. എന്നാല്‍ എണ്‍പത്തിയഞ്ചാം മിനിട്ടിലെ തകര്‍പ്പന്‍ ഷോട്ടിലൂടെ ഇംഗ്ലണ്ട്‌ വല വീണ്ടും ചലിപ്പിച്ച്‌ സുവാരേസ്‌ ഉറുഗ്വേയുടെ നോക്കൗട്ട്‌ പ്രതീക്ഷ ഊതിക്കത്തിച്ചു.
മത്സരത്തിന്റെ തുടക്കത്തില്‍ ഇംഗ്ലണ്ട്‌ മികച്ച പ്രകടനമാണ്‌ കാഴ്‌ച വച്ചത്‌. എന്നാല്‍ അവസരം കിട്ടിയപ്പോള്‍ ഉറുഗ്വേ മുതലെടുത്തു. റൂണിയുടെയും സ്റ്റുറിഡ്‌ജിന്റെയും നിരവധി ശ്രമങ്ങള്‍ തലനാരിഴയ്‌ക്ക്‌ പാഴായി.
തുടര്‍ച്ചയായ രണ്ടു തോല്‍വികള്‍ ഏറ്റുവാങ്ങിയ ഇംഗ്ലണ്ടിന്റെ നില ഇതോടെ പരുങ്ങലിലായി. ഇറ്റലി ഇനിയുള്ള രണ്ടു മത്സരങ്ങളും വിജയിക്കുകയും ഇംഗ്ലണ്ട്‌ വന്‍ മാജിനില്‍ കോസ്റ്റാറിക്കയെ പരാജയപ്പെടുത്തുകയും ചെയ്‌തെങ്കില്‍ മാത്രമേ ഇംഗ്ലണ്ട്‌ ഒന്നാം റൗണ്ടില്‍ പുറത്താകാതിരിക്കുകയുള്ളൂ.
https://www.facebook.com/Malayalivartha
