സ്വിറ്റ്‌സര്‍ലന്‍ഡിനെ തകര്‍ത്ത്‌ ഫ്രാന്‍സ്‌ പ്രീക്വാര്‍ട്ടറില്‍
ഇ ഗ്രൂപ്പിലെ രണ്ടാം മത്സരത്തില്‍ സ്വിറ്റ്‌സര്‍ലണ്ടിനെ 5-2 ന് തകര്‍ത്ത്‌ ഫ്രാന്‍സ്‌ പ്രീക്വാര്‍ട്ടറിലെത്തി. ഗിറൗഡ്‌, മാത്യൂഡി, വല്‍ബുയേന, കരിംബെന്‍സേമ, സിസോക്കോ എന്നിവരാണ്‌ ഫ്രാന്‍സിനുവേണ്ടി വല വിരിച്ചത്‌. ഷെമാലിയും ഷാക്കീരിയും സ്വിസിന്‌ ആശ്വാസ ഗോളുകള്‍ നേടി.
ഫ്രാന്‍സ്‌ കൂടുതല്‍ ഗോള്‍ അടിച്ചു കൂട്ടുമെന്ന്‌ കണക്കാക്കിയിരിക്കുമ്പോഴാണ്‌ രണ്ടു ഗോള്‍ മടക്കി സ്വിറ്റ്‌സര്‍ലണ്ട്‌ പേരിനെങ്കിലും മാനം കാത്തത്‌. 30 വാര അകലെ നിന്ന് സെമൈലി തൊടുത്ത ഫര്‌#ീകിക്ക്‌ ഒരു ഫ്രഞ്ച്‌ ഡിഫന്‍ഡറുടെ കാലിനിടയിലൂടെ നേരെ നെറ്റിയിലെത്തുകയായിരുന്നു. ആറ്‌ മിനിറ്റിനുള്ളില്‍ ഒരിക്കല്‍ കൂടി അവര്‍ ഫ്രഞ്ച്‌ വല ചലിപ്പിച്ചു. ഇന്‍ലെര്‍ മധ്യനിരയ്‌ക്ക്‌ സമീപത്ത്‌ നിന്ന് കോരിയിട്ടുകൊടുത്ത പന്ത്‌ നിലം തൊടുംമുമ്പ്‌ തന്നെ ഷാക്ക വലയിലാക്കി. ഫ്രഞ്ചൂകാരുടെ ടീം വര്‍ക്കിന്റെ ഒത്തിണക്കത്തിന്റേയും പരസ്‌പരധാരണയുമായുള്ള മുന്നേറ്റങ്ങളാണ്‌ അവരെ വിജയതിലകമണിയിച്ചത്‌.
https://www.facebook.com/Malayalivartha
