ഭാഗ്യം തുണച്ചു; സ്വിറ്റ്‌സര്‍ലണ്ടിനെ തോല്പിച്ച് അര്‍ജന്റീന ക്വാര്‍ട്ടറില്‍
ലോകകപ്പ്‌ ഫുട്ബോളില് അര്‍ജന്റീന എക്‌സ്‌ട്രാടൈമില്‍ നേടിയ ഒരു ഗോളിന്‌ സ്വിറ്റ്‌ സര്‍ലന്‍ഡിനെ തോല്പിച്ച് ക്വാര്‍ട്ടര്‍ ഫൈനലില്‍ കടന്നു. 118 മിനിട്ടു വരെ ഗോള്‍ വഴങ്ങാതെ പിടിച്ചു നിന്ന സ്വിറ്റ്‌സര്‍ലന്‍ഡ്‌ ഗോളി ഡീഗോ ബെനാഗ്ലിയോയുടെ പ്രതിരോധം തകര്‍ത്ത്‌ എയ്‌ഞ്ചല്‍ ഡി മരിയ അര്‍ജന്റീനയെ വിജയതിലകമണിയിച്ചു. മെസിയുടെ പാസില്‍ നിന്നായിരുന്നു വിജയഗോള്‍ നേടാന്‍ സാധിച്ചത്‌.
എക്‌സ്‌ട്രാ ടൈമും കഴിയാറാകവെ ഷൂട്ടൗട്ടിലേക്ക്‌ എന്ന് കരുതിയിരുന്നവരെ അതിശയിപ്പിച്ചുകൊണ്ട്‌ മദധ്യവരയ്‌ക്കടുത്തു നിന്ന് വളരെ വേഗത്തില്‍ ഡ്രിബിള്‍ ചെയ്ത് കയറിയ മെസി നല്‍കിയ ക്രോസ്‌ വളരെ ഭംഗിയായി വലയിലേക്ക്‌ ഫിനിഷ്‌ ചെയ്‌താണ്‌ ഡി മരിയ ടീമിനെ വിജയിപ്പിച്ചത്‌. സ്വിറ്റ്‌ വളരെയേറെ പരിശ്രമിച്ചെങ്കിലും അര്‍ജന്റീന വിജയം വിട്ടുകൊടുത്തില്ല. അവസാനസമയത്ത്‌ ഒരു സ്വിസ്‌ കോര്‍ണര്‍ പോസ്റ്റിലിടിച്ച്‌ മെസിക്കും കൂട്ടര്‍ക്കും ആശ്വാസമായെങ്കിലും ഷാക്കീരി എടുത്ത ഫ്രീകിക്ക്‌ പ്രതിരോധത്തില്‍ തട്ടി പുറത്തുപോയതോടെയാണ്‌ റഫറി ഫൈനല്‍ വിസല്‍ ഊതുകയും അര്‍ജന്റീന വിജയിക്കുകയും ചെയ്‌തത്‌.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
