ദേശീയ ഗെയിംസ് : തുഴച്ചിലില്‍ കേരളത്തിന് മൂന്നാം സ്വര്‍ണം
02 FEBRUARY 2015 03:35 PM IST
മലയാളി വാര്‍ത്ത.
ദേശീയ ഗെയിംസ് തുഴച്ചിലില്‍ വനിതകളുടെ ടീമിനത്തില്‍ കേരളത്തിന് സ്വര്‍ണം. നിത്യ ജോസഫ്, ചിപ്പി കുര്യന്‍, നിമ്മി, ഹണി എന്നിവരടങ്ങിയ ടീമാണ് സ്വര്‍ണം നേടിയത്. ഗെയിംസില്‍ കേരളത്തിന്റെ മൂന്നാമത്തെ സ്വര്‍ണമാണിത്. അതേസമയം വനിതകളുടെ തുഴച്ചിലില്‍ സ്‌കള്‍സ് സിംഗിള്‍സില്‍ കേരളത്തിന്റെ ഡിറ്റിമോള്‍ വര്‍ഗീസ് വെള്ളി നേടിയത്. മണിപ്പൂരിന്റെ ലക്ഷ്മി ദേവിയ്ക്കാണ് സ്വര്‍ണം. വനിതകളുടെ 75 കിലോഗ്രാം ഫ്രീസ്‌റ്റൈല്‍ ഗുസ്തിയില്‍ കേരളത്തിന്റെ അഞ്ജുമോള്‍ ജോസഫ് വെങ്കലം നേടി.
പുരുഷന്മാരുടെ 50 മീറ്റര്‍ പിസ്റ്റള്‍ വിഭാഗം ഷൂട്ടിംഗില്‍ കര്‍ണാടകയുടെ ടി.വി.പ്രകാശ് സ്വര്‍ണം നേടി. പഞ്ചാബിന്റെ അമന്‍പ്രീത് സിംഗിനാണ് ഈയിനത്തില്‍ വെള്ളി. കോമണ്‍വെല്‍ത്ത് ഗെയിംസ് സ്വര്‍ണ മെഡല്‍ ജേതാവും ലോക ഒന്നാം നന്പര്‍ താരവുമായ ജിത്തു റായിക്ക് വെങ്കല മെഡല്‍ കൊണ്ട് തൃപ്തിപ്പെടേണ്ടി വന്നു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
