ദേശീയ ഗെയിംസ് സൈക്ലിങ്ങിലെ 10 കിലോമീറ്റര്‍ സ്‌ക്രാച്ച് റേസിങ്ങിലെ മൂന്ന് മെഡലുകളും കേരളത്തിന്റെ വനിതകള്‍ നേടിയെടുത്തു. മഹിത മോഹന്‍, രജനി വിജയകുമാരി, ബിസ്മി എസ് സെയ്ദു കോയ എന്നിവരാണ് യഥാക്രമം സ്വര്‍ണവും വെള്ളിയും വെങ്കലവും നേടിയത്. ഇതോടെ കേരളത്തിന്റെ സുവര്‍ണനേട്ടം ഇരുപതായി.

ഒന്‍പതു പേര്‍ ഫിനിഷ് ചെയ്ത മത്സരത്തില്‍ ആദ്യ മൂന്ന് സ്ഥാനങ്ങളിലും ഫിനിഷ് ചെയ്താണ് കേരള വനിതകള്‍ കരുത്തു തെളിയിച്ചത്. സ്വര്‍ണം നേടിയ മഹിതയും വെള്ളി നേടിയ രജനിയും തമ്മില്‍ നേരിയ വ്യത്യാസം മാത്രമേ ഉണ്ടായിരുന്നുള്ളൂ. 20:15:234 എന്ന സമയത്താണ് ഇരുവരും ഫിനിഷ് ചെയ്തത്. മൂന്നാമതെത്തിയ ബിസ്മി എസ് 20:16:941 സെക്കന്‍ഡിലാണ് ഫിനിഷ് ചെയ്തത്.