ദേശീയ ഗെയിംസ് മെഡല്‍ പട്ടികയില്‍ ഹരിയാനയെ പിന്തള്ളി കേരളം രണ്ടാം സ്ഥാനത്ത്. വനിതകളുടെ സൈക്ലിങ് പോയിന്റ് റേസില്‍ മഹിത മോഹന്റെ സ്വര്‍ണ നേട്ടത്തോടെയാണ് കേരളം രണ്ടാമതെത്തിയത്. ഇന്നു ഇതുവരെ കേരളത്തിന് മൂന്നു സ്വര്‍ണം ലഭിച്ചു.
ഈയിനത്തില്‍ വെള്ളിയും വെങ്കലവും കേരളത്തിന്റെ താരങ്ങള്‍ സ്വന്തമാക്കി. വി.ജി. പാര്‍വതിക്കും എസ്. ബിസ്മിക്കുമാണ് രണ്ടും മൂന്നും സ്ഥാനം. ഇന്നു നടന്ന വനിതാ വിഭാഗം 500 മീറ്റര്‍ കയാക്കിങ്ങിലും വനിതകളുടെ സൈക്ലിങ്ങ് ടീം പര്‍സ്യൂട്ടിലും കേരളം നേരത്തെ സ്വര്‍ണം നേടിയിരുന്നു.
കയാക്കിങ്ങില്‍ അനൂഷ ബിജു, കെ. മിനിമോള്‍, ജസ്റ്റിമോള്‍, ടെസ്ര എന്നിവര്‍ അടങ്ങുന്ന ടീമാണ് സ്വര്‍ണം നേടിയത്. സൈക്ലിങ്ങില്‍ ലിഡിയാമോള്‍ സണ്ണി, വി.ജി.പാര്‍വതി, വി.രജനി, മഹിത മോഹന്‍ എന്നിവരുടെ സഖ്യമാണ് സ്വര്‍ണം നേടിയത്.

രണ്ടാം സ്ഥാനത്തുള്ള കേരളത്തിന് 30 സ്വര്‍ണവും 32 വെള്ളിയും 38 വെങ്കലവുമാണ് ഉള്ളത്. സര്‍വീസസ് ഒന്നാം സ്ഥാനത്തും ഹരിയാന മൂന്നാം സ്ഥാനത്തുമാണ്.

 അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha