ദേശീയ ഗെയിംസില്‍ കേരളത്തിന്റെ ഒപി ജെയ്ഷയ്ക്ക് ഇരട്ട സ്വര്‍ണം. പതിനായിരം മീറ്ററില്‍ ഗെയിംസ് റെക്കോര്‍ഡോടെയാണ് ജെയ്ഷ സ്വര്‍ണം നേടിയത്. ഈ ഇനത്തില്‍ വെള്ളി നേടിയ പ്രീജാ ശ്രീധരന്‍ ദേശീയ ഗെയിംസിനോട് വിടപറഞ്ഞു.
ജെയ്ഷയുടെ സ്വര്‍ണ നേട്ടത്തോടെ കേരളത്തിന് മുപ്പത്തിയഞ്ച് സ്വര്‍ണമായി. നേരത്തെ 5000 മീറ്ററിലും ജെയ്ഷ സ്വര്‍ണം നേടിയിരുന്നു.
മലയാളികള്‍ക്ക് നന്ദി പറഞ്ഞാണ് കേരളത്തിന് വേണ്ടി നിരവധി മെഡലുകള്‍ നേടിയിട്ടുള്ള പ്രീജ ശ്രീധരന്‍ മീറ്റിനോട് വിടപറഞ്ഞത്.