ലോക അത്‌ലറ്റിക്‌ ചാമ്പ്യന്‍ഷിപ്പില്‍ മലയാളി താരം രഞ്‌ജിത്ത്‌ മഹേശ്വരിക്ക്‌ ട്രിപ്പിള്‍ ജമ്പ്‌ ഫൈനലിലെത്താന്‍ സാധിച്ചില്ല.. യോഗ്യതാ മത്സരത്തില്‍ ആറാമതെത്താനേ കഴിഞ്ഞുള്ളൂ. 16.63 മീറ്ററാണ് രഞ്ജിത്ത് താണ്ടിയ മികച്ച ദൂരം. എന്നാല്‍ , 17.07 മീറ്ററായിരുന്നു രഞ്ജിത്തിന്റെ പേരിലുള്ള ദേശീയ റെക്കോഡ്. ആദ്യ ശ്രമത്തില്‍ 16.08 മീറ്റര്‍ താണ്ടിയ രഞ്ജിത്ത് രണ്ടാമത്തെ ചാട്ടത്തിലാണ് 16.63 മീറ്റര്‍ ചാടിയത്. മൂന്നാം ശ്രമത്തില്‍ 16.28 മീറ്ററാണ് രഞ്ജിത്തിന് താണ്ടാനായത്. ആദ്യ ശ്രമത്തില്‍ തന്നെ 16.63 മീറ്റര്‍ ചാടിയ ഫ്രാന്‍സിന്റെ സുകു ബഫുവാംഗ ബായയും ഫൈനലിന് യോഗ്യത നേടി. 17.41 മീറ്റര്‍ ചാടിയ ഫ്രാന്‍സിന്റെ ടെഡ്ഡി തമാഗോവിന്റേതാണ് യോഗ്യതാ റൗണ്ടിലെ ഏറ്റവും മികച്ച ദൂരം. യു. എസ്. എ.യുടെ വില്‍ ക്ലെ (17.08 മീറ്റര്‍ ), ചൈനയുടെ ബിന്‍ ഡോങ് (16.98 മീറ്റര്‍ ), റുമാനിയയുടെ മരിയന്‍ ഒപ്പേറ (16.91 മീറ്റര്‍ ) എന്നിവരാണ് ഫൈനലിന് യോഗ്യത നേടിയ മറ്റു താരങ്ങള്‍ .