ബിഡബ്ല്യുഎഫ് സൂപ്പര്‍ സീരീസ് ബാഡ്മിന്റണില്‍ ഇന്ത്യയുടെ സൈന നെഹ്‌വാളിന് ഉജ്വല ജയം. വനിതാ വിഭാഗം സിംഗിള്‍സില്‍ ഇന്നു രാവിലെ നടന്ന പോരാട്ടത്തില്‍ ലോക ഒന്നാം നമ്പര്‍ താരമായ സ്‌പെയിനിന്റെ കരോളിന മാരിനെയാണ് സൈന മൂന്നു സെറ്റ് നീണ്ട പോരാട്ടത്തില്‍ കീഴടക്കിയത്. സ്‌കോര്‍: 23-21, 9-21, 21-12. ഇതോടെ അടുത്ത റൗണ്ടിലേക്ക് മുന്നേറാനുള്ള സാധ്യത സൈനയ്ക്കു മുന്നില്‍ തെളിഞ്ഞു.
ഗ്രൂപ്പിലെ അടുത്ത മത്സരത്തില്‍ ശനിയാഴ്ച നിലവിലെ ചാമ്പ്യനായ തയി ത്‌സു യിംഗിനെ നേരിടും. ആദ്യ മത്സരത്തില്‍ ജപ്പാന്റെ നസോമി ഒകുഹാരയോട് സൈന 14-21, 6-21നു പരാജയപ്പെട്ടിരുന്നു.

അതേസമയം, പുരുഷ വിഭാഗത്തില്‍ കിഡംബി ശ്രീകാന്ത് രണ്ടാം പരാജയത്തോടെ പുറത്തായി. ആദ്യ മത്സരത്തില്‍ ജപ്പാന്റെ കെന്റോ മൊമോട്ടോയോട് നേരിട്ടുള്ള സെറ്റുകള്‍ക്ക് പരാജയപ്പെട്ട ശ്രീകാന്ത് ഇന്നു രാവിലെ ഡെന്മാര്‍ക്കിന്റെ വിക്ടര്‍ അക്‌സെല്‍സണിനോടും തോറ്റു. സ്‌കോര്‍: 13-21, 18-21.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha