വിജയം തുടര്‍ന്ന് സാനിയ മിര്‍സ- മാര്‍ട്ടിന ഹിംഗിസ് സഖ്യം
സാനിയ മിര്‍സ- മാര്‍ട്ടിന ഹിംഗിസ് സഖ്യം വിജയതേരോട്ടം തുടരുന്നു. സിഡ്‌നി ഓപ്പണ്‍ ആദ്യ റൗണ്ടില്‍ അനസ്താസിയ റോഡിനോവ-അരിന റോഡിനോവ സഖ്യത്തെ പരാജയപ്പെടുത്തി ഇന്തോ-സ്വിസ് സഖ്യം രണ്ടാം റൗണ്ടില്‍ കടന്നു. നേരിട്ടുള്ള സെറ്റുകള്‍ക്കായിരുന്നു സാനിയയും കൂട്ടുകാരിയും വിജയിച്ചത്. സ്‌കോര്‍: 6-2, 6-3.
ലോകറാങ്കിംഗില്‍ ഒന്നാം സ്ഥാനത്തുള്ള സാനിയ സഖ്യത്തിന്റെ തുടര്‍ച്ചയായ 27-ാം ജയമാണിത്. 1994ല്‍ 28 തുടര്‍ ജയങ്ങള്‍ നേടിയ ഗിഗി ഫെര്‍ണാണ്ടസ്- നതാഷ സ്വെരേവ സഖ്യത്തിന്റെ പേരിലാണ് ഏറ്റവും കൂടുതല്‍ തുടര്‍വിജയങ്ങളുടെ റിക്കാര്‍ഡ്.
കഴിഞ്ഞ വര്‍ഷം രണ്ട് ഗ്രാന്‍ഡ് സ്‌ലാമുള്‍പ്പെടെ ഒമ്പതു ഡബിള്‍സ് കിരീടങ്ങള്‍ സാനിയ സഖ്യം സ്വന്തമാക്കിയിരുന്നു. കഴിഞ്ഞ വര്‍ഷത്തെ മികച്ച ഡബിള്‍സ് താരങ്ങളായി ഇരുവരെയും അന്താരാഷ്്ട്ര ടെന്നീസ് ഫെഡറേഷന്‍ തെരഞ്ഞെടുത്തിരുന്നു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
