പ്രീമിയര്‍ ലീഗില്‍ കിരീടപ്പോരാട്ടം ശക്തമാക്കി ആഴ്‌സണലിന് ജയം. ബ്രൈറ്റണെ 3-0ന് തകര്‍ത്താണ് ആഴ്‌സണല്‍ പോയിന്റ് പട്ടികയില്‍ വീണ്ടും ഒന്നാമതെത്തിയത്.

രണ്ടും മൂന്നും സ്ഥാനത്തുള്ള ലിവര്‍പൂളും മാഞ്ചസ്റ്റര്‍ സിറ്റിയുമായി ഒരു പോയിന്റ് മാത്രം വ്യത്യാസമാണ് ആഴ്‌സണലിനുള്ളത്. 33ാം മിനിറ്റില്‍ ബുകായോ സാക്കയാണ് പെനാല്‍റ്റിയിലൂടെ ആഴ്‌സണലിന്റെ ആദ്യ ഗോള്‍ നേടിയത്.

ഗബ്രിയേല്‍ ജീസസിനെ താരിഖ് ലാംപ്റ്റി വീഴ്ത്തിയതിനായിരുന്നു പെനാല്‍റ്റി. 1-0ന് ആദ്യ പകുതി അവസാനിച്ചു. 62ാം മിനിറ്റില്‍ ഹാവേര്‍ട്‌സ് ആഴ്‌സണലിന്റെ രണ്ടാം ഗോള്‍ നേടുകയും ചെയ്തു. 86ാം മിനിറ്റില്‍ മുന്‍ ബ്രൈറ്റണ്‍ താരം ലിയാന്‍ഡ്രോ ട്രൊസ്സാഡും വലകുലുക്കി ആഴ്‌സണല്‍ ജയം നേടി