ഡല്‍ഹി ക്യാപിറ്റല്‍സിനു വന്‍ തിരിച്ചടി...നിര്‍ണായക താരമായ മിച്ചല്‍ മാര്‍ഷ് ഓസ്ട്രേലിയയിലേക്ക് മടങ്ങി
ഡല്‍ഹി ക്യാപിറ്റല്‍സിനു വന്‍ തിരിച്ചടി. അവരുടെ നിര്‍ണായക താരമായ മിച്ചല്‍ മാര്‍ഷ് ഓസ്ട്രേലിയയിലേക്ക് മടങ്ങി. പിന്‍തുടയ്ക്കേറ്റ പരിക്കിനെ തുടര്‍ന്നാണ് താരം മടങ്ങിയത്. തുടര്‍ ചികിത്സയ്ക്കായാണ് മാര്‍ഷ് ടീം വിട്ടത്.
ജൂണില്‍ നടക്കുന്ന ടി20 ലോകകപ്പില്‍ മിച്ചല്‍ മാര്‍ഷായിരിക്കും ഓസ്ട്രേലിയ ടീമിനെ നയിക്കുക. ഇതും മടങ്ങുന്നതിനു ആക്കം കൂട്ടി. ഡല്‍ഹി ്യാപിറ്റല്‍സുമായി ക്രിക്കറ്റ് ഓസ്ട്രേലിയ ചര്‍ച്ച നടത്തിയ ശേഷമാണ് താരത്തെ തിരികെ വിളിച്ചത്.
നിലവില്‍ താരം ഫോമില്‍ അല്ല. ഈ സീസണില്‍ നാല് കളികളില്‍ മാത്രമാണ് താരം കളിച്ചത്. കാര്യമായ മികച്ച പ്രകടനങ്ങളുമില്ല. എങ്കിലും ഓള്‍ റൗണ്ടറായ മാര്‍ഷ് ടീമിലെ നിര്‍ണായക സാന്നിധ്യം തന്നെയാണ്. കഴിഞ്ഞ രണ്ട് മത്സരങ്ങളും താരത്തിനു പരിക്കിനെ തുടര്‍ന്നു നഷ്ടമായിരുന്നു. രാജസ്ഥാന്‍ റോയല്‍സിനെതിരെ നേടിയ 23 റണ്‍സാണ് ഈ സീസണിലെ താരത്തിന്റെ ടോപ് സ്‌കോര്‍.
"
https://www.facebook.com/Malayalivartha
