ട്വന്റി 20 ക്രിക്കറ്റ് ലോകകപ്പ്... സൂപ്പര് എട്ട് റൗണ്ടിലെ ആദ്യമത്സരത്തില് ബുധനാഴ്ച യു.എസും ദക്ഷിണാഫ്രിക്കയും ഏറ്റുമുട്ടും
![](https://www.malayalivartha.com/assets/coverphotos/w657/312977_1718781765.jpg)
ട്വന്റി 20 ക്രിക്കറ്റ് ലോകകപ്പില് സൂപ്പര് എട്ട് റൗണ്ടിലെ ആദ്യമത്സരത്തില് ബുധനാഴ്ച യു.എസും ദക്ഷിണാഫ്രിക്കയും ഏറ്റുമുട്ടും. രാത്രി എട്ടുമുതല് നോര്ത്ത് സൗണ്ടിലെ വിവിയന് റിച്ചാര്ഡ്സ് സ്റ്റേഡിയത്തിലാണ് മത്സരം.
വ്യാഴാഴ്ച പുലര്ച്ചെ ആറിന്, ആതിഥേയരായ വെസ്റ്റ് ഇന്ഡീസ് ഇംഗ്ളണ്ടിനെ നേരിടും. വ്യാഴാഴ്ച രാത്രി അഫ്ഗാനിസ്താനെതിരേയാണ് ഇന്ത്യയുടെ ആദ്യമത്സരം. രണ്ടു ഗ്രൂപ്പുകളായാണ് സൂപ്പര് എട്ട് പോരാട്ടം. ഓരോ ഗ്രൂപ്പിലും നാലു ടീമുകള്വീതം. ഇന്ത്യ ഉള്പ്പെട്ട ഗ്രൂപ്പ് എ-യില് ഓസ്ട്രേലിയ, ബംഗ്ലാദേശ്, അഫ്ഗാനിസ്താന് എന്നീ ടീമുകളുമുണ്ട്.
ഓരോ ടീമും ഗ്രൂപ്പിലെ മറ്റു മൂന്നു ടീമുകളുമായി കളിക്കും. ഓരോ ഗ്രൂപ്പില്നിന്നും രണ്ടു ടീമുകള്വീതം സെമിഫൈനലിലേക്ക് മുന്നേറും. ആതിഥേയര് എന്നനിലയില് ലോകകപ്പിന് യോഗ്യതനേടിയ യു.എസ്. പ്രാഥമികറൗണ്ടില് പാകിസ്താനെതിരേ അട്ടിമറിവിജയം നേടിയതോടെയാണ് സൂപ്പര് എട്ടില് സ്ഥാനം ഉറപ്പിച്ചത്.
https://www.facebook.com/Malayalivartha