ഒളിമ്പിക്‌സ് ഫുട്ബാളില്‍ തകര്‍പ്പന്‍ ജയത്തോടെ തുടങ്ങി ഫ്രാന്‍സും സ്‌പെയിനും...
ഒളിമ്പിക്‌സ് ഫുട്ബാളില്‍ തകര്‍പ്പന്‍ ജയത്തോടെ തുടങ്ങി ഫ്രാന്‍സും സ്‌പെയിനും. യു.എസ്.എയെ എതിരില്ലാത്ത മൂന്ന് ഗോളിനാണ് ആതിഥേയര്‍ തകര്‍ത്തുവിട്ടതെങ്കില്‍ ഉസ്ബകിസ്താനെ 2-1നാണ് സ്‌പെയിന്‍ വീഴ്ത്തിയത്.
ഫ്രാന്‍സിനെതിരെ യു.എസ്.എ മികച്ച രീതിയിലാണ് തുടങ്ങിയത്. എന്നാല്‍, തുടക്കത്തില്‍ തന്നെ ജോര്‍ദെ മിഹൈലോവിച്ചിന്റെ ഷോട്ട് ക്രോസ് ബാറില്‍ തട്ടിത്തെറിച്ചത് ലീഡ് നേടാനുള്ള അവസരം നഷ്ടമാക്കി.
ഗോള്‍രഹിതമായി ആദ്യപകുതി അവസാനിച്ചപ്പോള്‍ 61ാം മിനിറ്റില്‍ ലകാസറ്റെയിലൂടെ ഫ്രാന്‍സ് ലീഡെടുത്തു. 20 വാര അകലെനിന്നുള്ള അലക്‌സാന്ദ്രെ ലകാസറ്റെയുടെ ഷോട്ട് യു.എസ് ഗോള്‍കീപ്പര്‍ക്ക് ഒരവസരവും നല്‍കാതെ വലയില്‍ കയറുകയായിരുന്നു.
എട്ട് മിനിറ്റിനകം ആതിഥേയര്‍ ലീഡുയര്‍ത്തി. അടുത്തിടെ ബയേണ്‍ മ്യൂണിക് നിരയിലെത്തിയ മൈക്കല്‍ ഒലിസെയുടെ വകയായിരുന്നു രണ്ടാം ഗോള്‍.
നിശ്ചിത സമയം അവസാനിക്കാനായി അഞ്ച് മിനിറ്റ് മാത്രം ശേഷിക്കെ ലോയിക് ബെയ്ഡ് ഹെഡറിലൂടെ മൂന്നാം ഗോളും നേടിയതോടെ പട്ടിക പൂര്‍ത്തിയായി.
"
https://www.facebook.com/Malayalivartha
