സൗത്ത് സോണ്‍ ഹോക്കി ചാമ്പ്യന്‍ഷിപ്പില്‍ കേരള പുരുഷ ടീം ഫൈനലില്‍...
സൗത്ത് സോണ്‍ ഹോക്കി ചാമ്പ്യന്‍ഷിപ്പില്‍ കേരള പുരുഷ ടീം ഫൈനലില്‍. ഗ്രൂപ്പില്‍ എല്ലാ മത്സരങ്ങളും വിജയിച്ചാണ് ഫൈനല്‍ പ്രവേശം.
ഇന്ന് വൈകുന്നേരം മൂന്നിന് ഫൈനലില്‍ കേരളം തമിഴ്നാടിനെ നേരിടും.
വനിതകള്‍ ഫൈനല്‍ കാണാതെ പുറത്ത്. നിര്‍ണായക മത്സരത്തില്‍ ആന്ധ്രാപ്രദേശിനോട് സമനിലയില്‍ പിരിഞ്ഞതോടെ വനിതകളുടെ ഗ്രൂപ്പില്‍ കേരളത്തിന് 10 പോയിന്റ് മാത്രമായി. മൂന്നാം സ്ഥാനത്തിനായി കേരളം മത്സരിക്കും. പുരുഷന്‍മാരുടെ ഗ്രൂപ്പിലെ അവസാന മത്സരത്തില്‍ തെലുങ്കാനയെ എതിരില്ലാത്ത എട്ട് ഗോളിന് തോല്‍പ്പിച്ച് ഗ്രൂപ്പ് ചാമ്പ്യന്‍മാരായാണ് കേരളം ഫൈനലില്‍ പ്രവേശിച്ചത്.
കേരളത്തിനായി ഹബല സൂരജ് ഹാട്രിക്ക് നേടി. വനിതകളുടെ നിര്‍ണായക മത്സരത്തില്‍ ആന്ധ്രാപ്രദേശുമായി രണ്ട് ഗോളുകള്‍ വീതം നേടിയാണ് സമനിലയിലായത്. അഞ്ച് മത്സരങ്ങളില്‍ നിന്ന് തോല്‍വി അറിയാതെ പതിമൂന്ന് പോയിന്റുമായി ആന്ധ്രാപ്രദേശ് ഗ്രൂപ്പില്‍ ഒന്നാമതായി ഫൈനലിന് യോഗ്യത നേടി.
തമിഴ്‌നാടാണ് ഫൈനലിലെ എതിരാളി. കര്‍ണാടകയെ നാലിനെതിരെ അഞ്ച് ഗോളുകള്‍ക്ക് തോല്‍പ്പിച്ചാണ് തമിഴ്നാട് ഫൈനല്‍ യോഗ്യത കരസ്ഥമാക്കിയത്.
https://www.facebook.com/Malayalivartha
